Թուրքիա Մտադիր է Ռուսական С-400-ներ Գնել եւ Հայաստանի Հետ Սահմանին Վրայ Տեղակայել

14 ՅՈՒԼԻՍ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Անգարան պատրաստ է 2,5 միլիառ տոլար վճարել ռուսական С-400 զենիթահրթիռային համակարգերու համար, որոնք կը նախատեսուին տեղակայել նաեւ Հայաստանի հետ սահմանին վրայ, կը գրէ Bloomberg-ը Թուրքիոյ մէջ անանուն աղբիւրի մը վրայ յղումով:

Ըստ բարձրաստիճան թուրք պաշտօնեային, որ չէ ցանկացած հրապարակել անունը, 2018-ին Անգարան մտադիր է գնել Ռուսիայէն 2 բատարեա С-400: Նոյնքան յետագային կը նախատեսուի կառուցել Թուրքիոյ մէջ:

Թէեւ ռուսական համակարգերը համատեղելի չեն ՆԱԹՕ-ի սպառազինութեան հետ, Թուրքիան մտադիր է տեղակայալ զանոնք այն շրջաններու մէջ, ուր կը գործեն ՆԱԹՕ-ի սահմանած սահմանափակումները` Հայաստանի, Յունաստանի հետ սահմանին եւ էգէեան ծովի մերձափնեայ տարածքին մէջ, ըսած է աղբիւրը:

“Rosoboronexport”-ի ներկայացուցիչը չէ մեկնաբանած գործարքի մասին տուեալները, կը յայտնէ Trend.az-ը:

Թուրքիա նախապէս ալ պատրաստ էր գնել այդ համալիրները, սակայն գործարքը չկայացաւ ՆԱԹՕ-ի դիրքորոշման պատճառով, կ՛ըսուի յօդուածին մէջ: Անգարան ստիպուած էր հրաժարելու նաեւ նման համակարգեր Չինաստանէն գնելու մտադրութենէն Ուաշինկթընի ճնշման պատճառով:

Ըստ յօդուածի հեղինակին, ռուսական զէնքի գնման վերաբերեալ գործարքը կը մատնանշէ, որ Թուրքիա կը հեռանայ ՆԱԹՕ-էն:

www.yerakouyn.com/?p=136381

606 Total Views 1 Views Today

Be the first to comment

Leave a Reply

Your email address will not be published.


*