Թուրքիոյ Հանդէպ Աւելորդ Հանդուրժողականութիւն Ցուցաբերած ենք

09 ՕԳՈՍՏՈՍ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

«Թուրքիոյ հանդէպ աւելորդ հանդուրժողականութիւն ցուցաբերած ենք»,- ըսած է Գերմանիոյ պաշտպանութեան նախարար Ուրսուլա Վոն Տեր Լէյէնը՝ խօսելով թուրք-գերմանական յարաբերութիւններուն մէջ առկայ ճգնաժամին մասին:

Վկայակոչելով թրքական «Gazetekarinca» լրատուական կայքը՝ Ermenihaber.am-ը կը հաղորդէ, թէ անոր գնահատականով Թուրքիան աւելի ու աւելի կը հեռանայ Եւրոպայէն: Լէյէնը՝ նկատի ունենալով Թուրքիոյ իշխանութիւնները, նշած է, որ օրէնքի սկզբունքներէն ետ կանգնիլը, խօսքի ազատութիւնը սահմանափակելը ոչ մէկ պատճառաբանութիւն կրնայ ունենալ:

Ան անընդունելի համարած է Գերմանիոյ քաղաքացիներու ձերբակալութիւնը Թուրքիոյ մէջ, երբ վերջինս չի հանդիսանար օրէնք յարգող երկիր:

«Թուրքիոյ կառավարութեան նկատմամբ ցուցաբերուած է աւելորդ հանդուրժողականութիւն: Թուրքիան իր նկատմամբ պահանջած յարգանքը, մեր նկատմամբ ալ պէտք է ցուցաբերէ»,- նշած է Գերմանիոյ պաշտպանութեան նախարարը:

Յիշեցնենք, որ թուրք-գերմանական յարաբերութիւններուն մէջ նոր լարուածութեան ալիք առաջացուց Թուրքիոյ մէջ Գերմանիոյ քաղաքացի Փեթըր Շթոյտների կալանաւորումը, որ կը հանդիսանար «Amnesty International» միջազգային իրաւապաշտպան կազմակերպութեան աշխատակիցը:

www.yerakouyn.com/?p=137551

182 Total Views 1 Views Today

Be the first to comment

Leave a Reply

Your email address will not be published.


*