Վանի Վարագավանքին Քարերը Կ՛օգտագործուին Մզկիթի Շինութեան

08 ՕԳՈՍՏՈՍ 2017 – ԹՈՒՐՔԻԱ – ՄՇԱԿՈՅԹ – ՆԵՐՔԻՆ ՔԱՂԱՔԱԿԱՆՈՒԹԻՒՆ:

Վանի Վարագավանք եկեղեցւոյ քարերը քանդած են եւ օգտագործած մզկիթի շինարարութեան համար: Այս մասին կը հաղորդէ թրքական «Ենիօզկիւրփոլիթիքա» կայքը:

Վանի մէջ միջավայրի եւ պատմական կառոյցներու պահպանութեան միութեան նախագահ Ալի Քալչըք լրատուամիջոցներու հետ զրոյցի ընթացքին պատմած է, թէ վանքը պարբերաբար կը վնասուի, անոր քարերը կ՛օգտագործեն ո՛չ միայն մզկիթի, այլ նաեւ գիւղի շարք մը տուներու ու այլ կառոյցներու շինարարութեան համար: Գործիչը կ՛ահազանգէ, թէ վանքը կը գտնուի լրիւ փլուզման եզրին:

Յայտնի է, որ ներկայիս վանքին մէջ երեխաներու համար կը տրուին նաեւ Ղուրանի դասեր:

Լոզանի պայմանագիրի 42-րդ յօդուածի 3-րդ մասին մէջ նշուած է. «Թրքական կառավարութիւնը պարտաւոր է լիակատար պահպանութեան տակ առնել եկեղեցիները, սինակոկները, գերեզմաններն ու նշեալ փոքրամասնութիւններու այլ կրօնական հաստատութիւնները»: «Լիակատար պահպանութիւնը» կը ներառէ ո՛չ միայն եկեղեցիները չքանդելն ու չաւերելը, այլ նաեւ ատոնց ամրացումն ու նորոգումը, սակայն լրիւ հակառակը կը կատարուի գետնի վրայ:
Varak-Sourp_Khach02_WEB

horizonweekly.ca

472 Total Views 1 Views Today

Be the first to comment

Leave a Reply

Your email address will not be published.


*