Ռաքքան Ազատագրուած Է ՏԱՀԵՇ-էն

18 ՀՈԿՏԵՄԲԵՐ 2017 – ՄԻՋԱԶԳԱՅԻՆ ԱՀԱԲԵԿՉՈՒԹԻՒՆ:

Սուրիոյ ժողովրդավարական ուժերու աղբիւրներ երէկ յայտարարեցին, թէ սուրիական Ռաքքա քաղաքը «մաքրագործուած» է ՏԱՀԵՇ-ի ահաբեկիչներէն` չորս ամսուան բուռն բախումներէ ետք: Ըստ նոյն աղբիւրներուն, ՏԱՀԵՇ-ի 350 ահաբեկիչներ անձնատուր եղած են եւ հաւանական է, որ տակաւին շուրջ հարիւր ահաբեկիչներ մնացած են, որոնք կրնան որոշ ընդդիմութիւն ցուցաբերել: Ըստ նոյն աղբիւրին, Ռաքքայի ամբողջական ազատագրումը օրերու, նոյնիսկ ժամերու հարց է:

Միւս կողմէ, քիւրտ պատասխանատու մը, որ մերժեց բացայայտել իր ինքնութիւնը, յայտնեց, որ տակաւին ՏԱՀԵՇ-ի զինեալներ կան Ռաքքայի մէջ, որոնք ապաստանած են շէնքերու մէջ, եւ ներկայիս խիստ խուզարկութիւններ կը կատարուին գտնելու համար անոնց հետքը:

Իսկ ամերիկեան զինուորական աղբիւր մը յայտնեց, որ Ռաքքայի տարածքէն ՏԱՀԵՇ-ի զինեալները վտարուած են 90 առ հարիւր համեմատութեամբ:

www.aztagdaily.com/archives/368637

39 Total Views 1 Views Today

Be the first to comment

Leave a Reply

Your email address will not be published.


*