Վանայ Լիճի Յատակին Յայտնաբերուած է Ուրարտական Ժամանակաշրջանի Հնագոյն Ամրոց

van-urartu-tample

13 ՆՈՅԵՆԲԵՐ 2017 – ՊԱՏՄՈՒԹԻՒՆ – ԱՐԵՒՄՏԵԱՆ ՀԱՅԱՍՏԱՆ:

Թուրքիոյ «Yüzüncü Yıl» համալսարանի ջրային հետազօտութիւններու բաժանմունքի դասախօս, փրոֆէսոր Մուսթաֆա Ակքուշը յայտարարած է, որ Վանայ լիճի յատակին յայնտաբերուած է 3000-ամեայ պատմութիւն ունեցող ամրոց: Ամենայն հաւանականութեամբ ամրոցը կը պատկանի Ուրարտական թագաւորութեան ժամանակաշրջանին:

Ըստ «Էրմէնիհապեր»-ի՝ վկայակոչելով թուրքական «Anadolu» լրատուական գործակալութեան, թուրք փրոֆէսորը յայտնած է, որ ամրոցը ջուրի տակ մնացած է, քանի որ լիճի մակարդակը վերջին 100-ամեակի ընթացքին բարձրացած է շուրջ 150 մեթրով:

Ըստ անոր` բարեբախտաբար ամրոցի պատերը լաւ պահպանուած են եւ բոլորովին չեն վնասուած: Ատոր նպաստած է մասնաւորապէս լիճի ջուրին աղիութիւնը:

Թուրք փրոֆէսորին կարծիքով լիճը, որ իր մէջ բազմաթիւ առեղծուածներ կը թաքցնէ, կրնայ հետաքրքրել սուզորդներն ու հնագէտները:

Յիշեցնենք, որ Ուրարտուն, կամ Վանի թագաւորութիւնը գոյութիւն ունեցած է Ք.ա. 9–6–րդ դարերուն:

www.yerakouyn.com/?p=142979

156 Total Views 1 Views Today

Be the first to comment

Leave a Reply

Your email address will not be published.


*