Իսրայէլցի Օրէնսդիրը Քննադատած է Երկրի` Ատրպէյճանին Զէնք Վաճառելու Քաղաքականութիւնը

27 ՆՈՅԵՆԲԵՐ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Իսրայէլի քնեսէթի անդամ Թամար Զանտպըրգ քննատադած է երկրի` զէնքի արտահանման քաղաքականութիւնը, մասնաւորապէս ատրպէյճանին ռազմական սարքերու մատակարարումը: CTech գործակալութեան փոխանցմամբ, իր ֆէյսպուքեան էջին մէջ հրապարակած գրառման մէջ իսրայէլցի օրէնսդիրը անդրադարձած է Aeronautics Defense Systems ընկերութեան` 2017-ի ամրան Ատրպէյճանի խնդրանքով հայկական դիրքերու վրայ անօդաչու թռչող սարքի փորձարկման դէպքին:

Թամար Զանտպըրգ պահանջած է Իսրայէլի պաշտպանութեան նախարար Աւիկատոր Լիպըրմանէն կասեցնել ընկերութեան` Ատրպէյճանին մահացու Անօդաչու թռչող սարքերու վաճառքի արտօնութիւնը: Ան գրած է նաեւ, որ Ատրպէյճանի պաշտպանութեան նախարարութեան պաշտօնական կայքի համաձայն` ատրպէյճական AZAD Systems գործարանը կրնայ արտադրել Aeronautics ընկերութեան Orbiter 2, Killer1 ԱԹՍ-ներու մանրամասնութիւններ:

Սա կը նշանակէ, որ Ատրպէյճան կրնայ արտադրել ընկերութեան ԱԹՍ-ները, նոյնիսկ եթէ ատոնց մատակարարման արտօնագիրը կասեցուի, կը նկատէ իսրայէլցի օրէնսդիրը:

Նոյեմբերին Իսրայէլի մէջ քրէական գործ յարուցուած է Aeronautics Defense Systems ընկերութեան դէմ` 2017-ի ամրան Ատրպէյճանի խնդրանքով հայկական դիրքերու վրայ անօդաչու թռչող սարքի փորձարկման մեղադրանքով: Զէնքի վաճառքի կասեցման որոշումը եղած է, երբ ատրպէյճանցիներու խնդրանքով ընկերութիւնը փորձարկած է Orbiter 1K տեսակի ԱԹՍ-ն հայկական դիրքերուն վրայ` Լեռնային Ղարաբաղի մէջ: «Զօրավար Արմէն Գէոզալեանի փոխանցմամբ, Յուլիս 7-ին փորձարկման հետեւանքով երկու հայ զինուոր վիրաւորուած էր»,- կը գրէին իսրայէլական լրատուամիջոցները։

www.yerakouyn.com/?p=143899

42 Total Views 1 Views Today

Be the first to comment

Leave a Reply

Your email address will not be published.


*