Հայաստան Պիտի Շարունակէ Դուրս Պիտի Մնայ Բեռնափոխադրման, Ուժանիւթի եւ Առեւտրային Ճանապարհներէն․ Էրտողան

04 ԴԵԿՏԵՄԲԵՐ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Թուրքիոյ նախագահ Ռեճեփ Թայիփ Էրտողան իշխող «Արդարութիւն եւ զարգացում կուսակցութեան» (AKP-ԱԶԿ) նիստի ժամանակ խօսած է հարեւան երկիրներու հետ առկայ յարաբերութիւններու մասին: Ինչպէս կը փոխանցէ թրքական «Mynet» լրատուակայքը, Էրտողան նաեւ անդրադարձած է Հայաստանին:

«Հայաստան մասնաւորապէս սփիւռքի ազդեցութեամբ փակ պահեց մեր երկրի հետ բարեկամական կապերը եւ դուրս մնաց բեռնափոխադրման, ուժանիւթի եւ առեւտրային ճանապարհներէն: Ատիկա այդպէս ալ պիտի շարունակուի»,- ըսած է Էրտողան:

Ան ընդգծած է, որ Թուրքիա կը համագործակցի Կովկասի, յատկապէս Վրաստանի, Միջին Ասիոյ եւ հարաւային Ասիոյ երկիրներու հետ: Ըստ անոր` նշեալ օրինակները ցոյց կու տան, որ Թուրքիա կը ցանկայ «աշխուժացնել» յարակից երկիրներու հետ յարաբերութիւնները:

Էրտողան նաեւ նշած է, որ իրենք պիտի շարունակեն պայքար մղել «Քիւրտիստանի բանուորական կուսակցութեան» (ՔԲԿ-PKK) եւ կիւլենական համայնքի ներկայացուցիչներուն դէմ, որոնք երկրին մէջ կը համարուին ահաբեկչական կազմակերպութիւններ:

www.yerakouyn.com/?p=144325

66 Total Views 1 Views Today

Be the first to comment

Leave a Reply

Your email address will not be published.


*