«Ամերիկեան Զօրքերը Սուրիայէն Պիտի Հեռանան Ահաբեկիչներու Դէմ Յաղթանակէն Ետք Միայն» Կ՛ըսէ Ռուսիոյ Մէջ Միացեալ Նահանգներու Դեսպանը

Ռուսիոյ մէջ Միացեալ Նահանգներու դեսպան Ճոն Հանցմըն

05 ԴԵԿՏԵՄԲԵՐ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Ռուսիոյ մէջ Միացեալ Նահանգներու դեսպան Ճոն Հանցմընի կարծիքով` Սուրիայէն ամերիկեան զօրքերու հեռացման մասին կարելի է խօսիլ միայն համոզուելէ ետք, թէ ահաբեկիչներու դէմ պատերազմը յաջողութեամբ աւարտած է: Այդ մասին դիւանագէտը ըսած է «Վետոմոսթի»-ի հետ հարցազրոյցի ընթացքին:

«Դուք կրնաք հեռացնել բոլոր ահաբեկիչները Ռաքքայէն եւ Եփրատ գետի հովիտէն, սակայն անոնք կրնան վերախմբաւորուիլ եւ վերականգնել իրենց ներուժը: Այդ պատճառով վաղաժամ հեռանալու պարագային մեր բոլոր ջանքերը կրնան պարզապէս ջուրը իյնալ: Անհրաժեշտ է համոզուիլ, որ ահաբեկիչներու դէմ պայքարը յաջողութեամբ աւարտած է, նախքան զօրքերը դուրս բերելը», ըսած է Հանցմըն:

Ամերիկացի դիւանագէտը նշած է, որ չի գիտեր Սուրիայէն ամերիկեան զօրքերու հեռացման յստակ թուականը: Ան նաեւ կարծիք յայտնած է, որ Միացեալ Նահանգներու նախագահ Տանըլտ Թրամփ պիտի չյստակացնէ այդ թուականը, մինչեւ որ «աշխատանքը աւարտի»:

Միւս կողմէ, Իրանի խորհրդարանի նախագահ Ալի Լարիժանի յայտնեց. «Սուրիոյ մէջ Միացեալ Նահանգներու ներկայութիւնը կը խանգարէ լուծումը»:

www.aztagdaily.com/archives/374574

91 Total Views 1 Views Today

Be the first to comment

Leave a Reply

Your email address will not be published.


*