Էրտողանը ԱՄՆ-ին Սպառնացած է «Շարժման Մէջ Դնել Ողջ Իսլամական Աշխարհը»

06 ԴԵԿՏԵՄԲԵՐ 2017 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Թուրքիան ունի Իսրայէլի հետ դիւանագիտական յարաբերութիւնները խզելու լիարժէք իրաւունք, եթէ ԱՄՆ որոշէ ճանչնալ Երուսաղէմը իբրեւ Իսրայէլի մայրաքաղաք: Այս մասին կը հաղորդէ Artsakhpress.am-ը։

«Երուսաղէմը կարմիր գիծ է իսլամներուն համար: Նման որոշումը ծանր հարուած պիտի ըլլայ ողջ մարդկութեան համար: Մենք չենք ձգեր ատիկա»,- ըսած է Էրտողանը:

Թուրքիոյ նախագահը նաեւ սպառնացած է, որ եթէ Ուաշինկթըն ճանչնայ Երուսաղէմը իբրեւ Իսրայէլի մայրաքաղաք՝ յառաջիկայ տասը օրուան ընթացքին Իսլամական համագործակցութեան կազմակերպութեան առաջնորդները պիտի հաւաքուին Սթամպուլի մէջ եւ «շարժան մէջ դնեն ողջ իսլամական աշխարհը»:

Կ՝ակնկալուի, որ այսօր Թրամփը յայտնէ այդ հարցով իր դիրքորոշումը: Երուսաղէմի հարցով չէզոք դիրք պահպանելու համար՝ օտարերկրեայ պետութիւնները իրենց դեսպանութիւնները տեղակայած են Թել Ավիւի մէջ: Այդպէս վարուած է նաեւ ԱՄՆ ղեկավարութիւնը 1995 թուականէն ի վեր:

www.yerakouyn.com/?p=144494

27 Total Views 1 Views Today

Be the first to comment

Leave a Reply

Your email address will not be published.


*