Տուպայի Պասքեթպոլի 29-րդ Միջազգային Մրցաշարք. ՀՄԸՄ Յաղթեց Թունուզեան Նաժըմ Ռատեսէի Եւ Գրաւեց Բ. Խմբակին Պարագլուխի Դիրքը

22 ՅՈՒՆՈՒԱՐ 2018 – ՄԱՐԶԱԿԱՆ:

Արաբական Միացեալ Էմիրութիւններու մէջ տեղի ունեցող տղոց պասքեթպոլի 29-րդ միջազգային մրցաշարքին ծիրին մէջ, երէկ եւ նախանցեալ օր տեղի ունեցան երեքական մրցումներ:

ՀՄԸՄ-ի կազմը, որ երէկ ճակատեցաւ թունուզեան Նաժըմ Ռատեսէի դէմ, բաւական տպաւորիչ ելոյթ մը ունենալով յաղթեց իր մրցակիցին` 99-80 արդիւնքով (26-19, 18-24, 30-18 եւ 25-19):

Մրցաշարքի իր երկրորդ յաղթանակը արձանագրելով (պարտութեան մը կողքին)` ՀՄԸՄ յաջողեցաւ գրաւել Բ. խմբակին պարագլուխի դիրքը:

Երէկուան այս մրցումին ՀՄԸՄ-էն տապըլ-տապըլ իրագործեցին Մաքրամ Պըն Ռամատան (14 կէտ, 11 ռիպաունտ) եւ Ուոլթըր Հոճ (26 կէտ, 11 էսիսթ):

Սեմ Եանկ նշանակեց 25 կէտ, մինչ Իսմայիլ Ահմետ նշանակեց 19 կէտ (ներառեալ` 5 թրի փոյնթ), իսկ Հայկ Կէօքճեան նշանակեց 13 կէտ (ներառեալ` 3 թրի փոյնթ):

Իսկ Ռատեսէն ամէնէն շատ կէտ նշանակեց Մոհամետ Հատիտան (17):

Այս մրցումին, ՀՄԸՄ ձեռք ձգեց 31 ռիպաունտ` կատարելով 22 էսիսթ:

Մրցակից կազմը միայն առիթով մը կէտի մը տարբերութեամբ (50-49) գերազանցեց ՀՄԸՄ-ը, մինչ ՀՄԸՄ, մրցումին տեւողութեան կէտերու տարբերութիւնը բարձրացուց մինչեւ 20 կէտի (98-78):

Օրուան իրաւարարներն էին Հասան Հաճի (Արաբական Միացեալ Էմիրութիւններ), Մոհամետ Ռայան (Եգիպտոս) եւ Հայսամ Քուճա (Սուրիա):

Շաբաթ օր տեղի ունեցած մրցումներուն Ռիատի, որ կողովի մը տարբերութեամբ յաղթած էր ՀՄԸՄ-ին, կրեց բաւական ծանր պարտութիւն մը նոյնինքն թունուզեան Նաժըմ Ռատեսէէն` 82-63 արդիւնքով:

Իսկ Սաժես, որ նախորդ շաբաթավերջին արձանագրեց երկու յաղթանակ, գրաւեց Ա. խմբակին պարագլուխի դիրքը:

Շաբաթ օր Սաժես 96-86 արդիւնքով յաղթեց մարոքեան Սալային, իսկ երէկ` թունուզեան Նաժըմ Սահելիի (92-79):

Նշենք, որ այսօր` երկուշաբթի, մրցաշարքին հինգերորդ օրը, Սաժես մրցում չունի կատարելիք, մինչ ՀՄԸՄ աւարտեց Ա. հանգրուանի իր մրցումները:

Ստորեւ` այսօրուան մրցումներուն յայտագիրը (ժամերը` Պէյրութի ժամանակացոյցով).

www.aztagdaily.com/archives/380293

69 Total Views 1 Views Today

Be the first to comment

Leave a Reply

Your email address will not be published.


*