Մամետեարով. «Սուրիահայ Գաղթականները Անօրինական Ձեւով Բնակեցուցած Են Արցախի Մէջ» Դաւիթ Բաբայեան Կ՛արձագանգէ

13 ՓԵՏՐՈՒԱՐ 2018 – ՏԱՐԱԾԱՇՐՋԱՆ – ՀԱՅԱՍՏԱՆ – ԱՐՑԱԽ – ԱՏՐՊԷՅՃԱՆ:

Ազրպէյճանի արտաքին գործոց նախարար Էլմար Մամետեարով յայտարարած է, որ Հայաստանի իշխանութիւնը Արցախի տարածքը կը բնակեցնէ Սուրիայէն գաղթած հայերով:

Ըստ Մամետեարովի, «բռնագրաւուած» տարածքներու մէջ սուրիահայեր բնակեցնելու քաղաքականութիւնը եւ ժողովրդագրութիւնը նպատակաուղղուած կերպով փոխելու փորձերը միջազգային իրաւունքի կոպիտ խախտումներ են, ան այս յայտարարութիւնը կատարած է երկուշաբթի Պաքուի մէջ Վատիկանի պետութեան հետ կապերու քարտուղար, Փոլ Ռիչարտ արքեպիսկոպոսին հետ հանդիպումի մը ընթացքին:

Մամետեարովի յայտարարութեան արձագանգած է Արցախի Հանրապետութեան նախագահի մամլոյ քարտուղար Դաւիթ Բաբայեան, որ ըսած է. «Արցախի մէջ սուրիահայերու զանգուածային բնակեցման մասին խօսելու կարիք չկայ: Խօսքը կը վերաբերի քանի մը տասնեակ մարդոց մասին, որոնք իրենց մաշկին վրայ զգացած են Սուրիոյ մէջ քաղաքացիական պատերազմի սարսափները, եւ Արցախի իշխանութիւնները ապաստան տրամադրած են անոնց:

«Բնականաբար, մենք չէինք կրնար անտարբեր ըլլալ Սուրիոյ մեր հայրենակիցներու ճակատագիրին հարցով: Ինչ կը վերաբերի Պաքուի մեղադրանքներուն, ապա մենք զարմացած չենք: Խաղաղ բնակիչներու սպանութիւնը խրախուսող, այլատեացութիւն եւ հայատեացութիւն սերմանող պետութիւնը այլ ձեւով չէր կրնար արձագանգել», ըսած է Բաբայեան:

www.aztagdaily.com/archives/382836

282 Total Views 1 Views Today

1 Comment

  1. Simon Dedeyan

    Շատ տկար պատասխան… Զօրաւոր պատասանը՝ «շունը կը հաչէ, կարաւանը կը գալէ…

    երբ կազմակերպուինք՝ 100 հազարով կը ներգաղթենք դէպի Արցախ…

Leave a Reply

Your email address will not be published.


*