Փարիզի Մէջ Թուրքիոյ Դեսպանատան Շէնքին Դիմաց Տեղի Ունեցաւ Բողոքի Ցոյց
պայմաններու մէջ թրքական պետութեան քայլերուն առնչութեամբ:
«Հարիւր տարի անց ալ Արեւելքի մէջ քրիստոնեաներու, եզիտիներու եւ փոքրամասնութիւններու ցեղասպանութեան ոճրագործը համարուող Թուրքիան իր տարածքով կը թոյլատրէ մարդոց, զէնքի եւ քարիւղի տեղափոխումը` ի յօգուտ ահաբեկչական կազմակերպութիւններու, որոնք այժմ կը խանգարեն նաեւ Եւրոպան»,- նշած է Քարամ: Ան յորդորած է Եւրոմիութեան դադրեցնելու Թուրքիոյ ֆինանսաւորումը եւ յստակ դիրքորոշում ընդունելու պաշտօնական Անգարայի քաղաքականութեան նկատմամբ: CHREDO-ի ղեկավարը ընդգծած է, որ Թուրքիան տեղ չունի Սեպտեմբեր 8-ին Ֆրանսայի արտաքին գործոց նախարարութեան նախաձեռնած Փարիզի խորհրդաժողովին, որ թրքական կողմը կրկին կրնայ փորձել վերածել յարմար հարթակի զինք արդարացնելու եւ երկակի խաղը շարունակելու նպատակով:
Ֆրանսայի հայկական կազմակերպութիւններու խորհուրդի ղեկավար Արա Թորանեան յիշեցուցած է, որ Թուրքիան պարտաւոր է ճանչնալու 1915 թուականին հայերու, ասորիներու եւ այլ փոքրամասնութիւններու դէմ իրականացուած ցեղասպանութիւնը: «Ժամանակը ոչինչ կը հանդարտեցնէ, ժամանակը ի զօրու չէ փոխելու մարդկութեան դէմ կատարուած յանցագործութիւններու բնոյթը: Քանի դեռ Թուրքիան կը շարունակէ պահպանել ներկայ դիրքորոշումը, տառապանքը պիտի շարունակուի, եւ խնդիրը պիտի չկարգաւորուի»,- նշած է ան:
Փարիզ 16-րդ շրջանի ղեկավար Քլոտ Կոասքենը եւս հանդէս եկած է ելոյթով` ընդգծելով, որ Թուրքիան պէտք է դատապարտուի «Իսլամական պետութեան» աջակցելու համար, որու պատճառով իսլամական խմբաւորումը կրցաւ «ծաղկում ապրիլ»:
«Արեւելքի քրիստոնեաները վտանգի մէջ են» (CHREDO) խումբի ղեկավար Փաթրիկ Քարամի նախաձեռնութեամբ Սեպտեմբեր 7-ին Փարիզի մէջ Թուրքիոյ դեսպանատան շէնքին դիմաց տեղի ունեցաւ բողոքի ցոյց` ընդդէմ Թուրքիոյ երկակի քաղաքականութեան Միջին Արեւելքի մէջ ահաբեկչական խմբաւորումներու դէմ պայքարին:
Ըստ «Արցախփրես»-ի՝ որ կը վկայակոչէ Nouvelles d’Armenie-ին` ցոյցին մասնակցած են սուրիացիներ, հայեր, քիւրտեր, եզտիներ եւ լիբանանցիներ, որոնք իրենց բողոքը յայտնած են ստեղծուած
www.yerakouyn.com
armenews.com
