ԵԽ-ն Ընդունած է Արցախի Ժողովուրդի Ինքնորոշման Իրաւունքը Ճանչցող Բանաձեւ. Ատրպէյճանական Սադրանքը Տապալած է

16 ՆՈՅԵՄԲԵՐ 2017 – ԵՒՐՈԽՈՐՀՐԴԱՐԱՆ:

Եւրոպական Խորհրդարանին մէջ տապալած է ատրպէյճանական խեղաթիւրումներու լայնածաւալ փորձը, որ նպատակ ունէր հերթական անգամ խաթարել ԼՂ հակամարտութեան խաղաղ կարգաւորման ուղղուած միջազգային հանրութեան ջանքերը, ինչպէս նաեւ Արեւելեան գործընկերութեան պրիւքսելեան գագաթաժողովին ընդառաջ ստուերել Հայաստան-Եւրոմիութիւն յարաբերութիւններու վերընթաց զարգացումը:

Ատրպէյճանական կողմի ապակառուցողական քայլերը հնարաւոր եղաւ տապալել Պրիւքսելի մէջ ՀՀ մշտական ներկայացուցչութեան, Պրիւքսելի մէջ գործող հայ ազգային լոպպիստական կազմակերպութիւններու կողմէ իրականացուած նպատակային աշխատանքի շնորհիւ:

Նոյեմբեր 15-ին Եւրոպական Խորհրդարանի լիագումար նիստը ձայներու ճնշող մեծամասնութեամբ ընդունած է Նոյեմբերին Պրիւքսելի մէջ կայանալիք Արեւելեան գործընկերութեան գագաթաժողովին ընդառաջ բանաձեւ մը, ուր արդէն երկրորդ անգամ ուղղակի բնագիրով ճանչցած է Արցախի ժողովուրդի ինքնորոշման իրաւունքը` փաստօրէն, կրկնելով 2017-ի Յուլիս 5-ի ՄԱԿ-ի Գլխաւոր Վեհաժողովի 72-րդ նստաշրջանին ընդունուած բանաձեւի նախադէպը, երբ Պրիւքսելի մէջ ՀՀ մշտական ներկայացուցչութեան ջանքերով Եւրոպական Խորհրդարանը աննախադէպ կերպով առաջին անգամ ամրագրած էր Արցախի ժողովուրդի ինքնորոշման իրաւունքը:

Այս բանաձեւը կարեւոր է, քանի որ Արեւելեան գործընկերութեան պրիւքսելեան գագաթաժողովին ընդառաջ ան կը սահմանէ համագործակցութեան ակնկալիքները, ինչպէս նաեւ կ՛ուրուագծէ Արեւելեան գործընկերութեան յետագայ զարգացման տրամաբանութիւնը, ուստի զարմանալի չէր, որ ատրպէյճանական կողմը, մեծ ջանքեր ներդրած էր բանաձեւի հիմնական ուղերձը եւ ատոր տրամաբանութիւնը խաթարելու համար:

Մասնաւորապէս` ատրպէյճանական կողմի իրեն յատուկ մեթոտներով հասած էր անոր, որ բանաձեւի նախագիծին մէջ ներկայացուած էին Լեռնային Ղարաբաղի խաղաղ կարգաւորման գործընթացի եւ Հայաստանի դէմ ուղղուած աւելի քան քսան լրացում, որոնք ի թիւս այլոց` կը ներկայացնէին Լեռնային Ղարաբաղը որպէս Ատրպէյճանի մաս, կը պարունակէին այլ ատրպէյճանամէտ ձեւակերպումներ, կը պահանջէին փախստականներու անվերապահ վերադարձ եւ այլն:

Այնուամենայնիւ, հայկական կողմի նպատակային գործունէութեան եւ եւրոպական կողմի սկզբունքային դիրքորոշման շնորհիւ ԵԽ լիագումար նիստի ընթացքին տեղի ունեցած քուէարկութեան արդիւնքով ԵՄ-ի մէջ ՀՀ մշտական ներկայացուցչութեան նպատակային ու յամառ աշխատանքին հնարաւոր եղաւ տապալել ատրպէյճանական կողմի ջանքերով ներկայացուած բոլոր ապակառուցողական լրացումները: Աւելին` եւս մէկ անգամ ամրագրուեցաւ Արցախի ժողովուրդի ինքնորոշման իրաւունքը:

Բանաձեւին մէջ հնարաւոր եղաւ ոչ միայն կանխել այնպիսի դրոյթի ներառումը, ուր Հայաստանը քննադատութեան կ՛ենթարկուէր Եւրասիական տնտեսական միութեան անդամակցելու համար, այլեւ Հայաստանը վկայակոչել որպէս դրական օրինակ, որ կը կամրջէ այդ երկու ամբողջական հարթակները` ԵՄ եւ ԵԱՏՄ:

Ատրպէյճանական հերթական սադրանքը Պրիւքսելի մէջ լուրջ հակահարուած ստացաւ հայկական դիւանագիտութեան կողմէ` յօգուտ Լեռնային Ղարաբաղի հակամարտութեան խաղաղ կարգաւորման գործընթացին եւ ՀՀ-ԵՄ յարաբերութիւններու վերընթաց զարգացման:

www.yerakouyn.com/?p=143259

130 Total Views 1 Views Today

Be the first to comment

Leave a Reply

Your email address will not be published.


*