ՀԱՄԱՍՏԵՂՈՒԹԻՒՆՆԵՐ –16.Արծիւ Համաստեղութիւն – Aquila (… տառ) – Լեզուաբանութի՞ւն ԹԷ ԻՄԱՍՏԱՍԻՐՈՒԹԻՒՆ – Մովսէս Նաճարեան
Գիտական Յօդուածներ – Մովսէս Նաճարեան – Լեզուաբանութի՞ւն ԹԷ ԻՄԱՍՏԱՍԻՐՈՒԹԻՒՆ:
18 ԱՊՐԻԼ 2021 – – ԳԻՏԱԿԱՆ – ՄՇԱԿՈՅԹԱՅԻՆ:
Սկիզբը՝ //ՆԱԽՈՐԴԸ//:
ՀԱՄԱՍՏԵՂՈՒԹԻՒՆՆԵՐ
16.Արծիւ Համաստեղութիւն – Aquila (… տառ) Թռեղքի լեռներ
Գլխաւոր աստղերը. 1.Ալթաիր, 2.Ալշաին, 3.Թարազեդ – Տարազեդ, 4.Դենեբ Օկաբ:
Հարեւանները – 1.Նետ, 2.Հերակլ, 3.Օձակիր, 4.Օձ, 5.Վահան, 6.Աղեղնաւոր:
Մովսէս Նաճարեան – Արծիւ համաստեղութեան երկրային տարածքը – Պատկեր «63»
Մեր հետազօտութեամբ յայտնաբերել ենք, որ «Արծիւ» համաստեղութիւնը հնագոյն ժամանակներում կոչուել է «Մեծ Անգղ»՝ զանազանելու համար բուն «Անգղ»-«Կարապ» համաստեղութիւնից, եւ այդ անուանումը պահպանուել է նրա երկրային պատկերի արեւելեան ճակատային մասում գտնուող Մանգղիսի-Մանգլիսի քաղաքանուան մէջ: Իսկ յետագայում տեղի է ունեցել այս երկու համաստեղութիւնների անուանումների փոփոխումը՝ երբ բուն «Անգղ»-ը կոչուել է «Կարապ», իսկ «Մեծ Անգղ»-ը՝ «Արծիւ»:
Երկրի մակերեւոյթին «Մեծ Անգղ»-ի պատկերի գոյառումը ժամանակագրականօրէն տեղի է ունեցել բուն «Անգղ»-ից յետոյ, երբ այդ տարածքը եւս ջրերից դուրս է եկել, եւ այնտեղ առաջին ոտք դնողները եղել են Անգեղ Տան Cygnus-աբնակ ներկայացուցիչները (Գուգարքցիները), եւ բնականաբար իրենք էլ տարածքը կոչել են «Մեծ Անգղ»:
Քանզի Արծիւի երկրային տարածքում «Մանգղիսի» կամ «Մանգլիսի» քաղաքանուան հիմքն է «Մ+անգղիս+ի», որը հապաւումն է «Մեծ+Անգղիս+ի» խօսքի, ուր վերջին «ի»-ն պատկանելիութիւն է ցոյց տալիս, ինչի մասին խօսեցինք «Մարի» քաղաքանուան վերլուծութեան մէջ: Ուստի եւ «Մանգղիսի»-ն նշանակում է «Մեծ Անգեղների քաղաք կամ բնակավայր»:
Իսկ «Մեծ Անգղ»-ը աստղագիտական քարտէսներում վերանուանուել է «Ագիլ»=լատ. «Aquila»=անգլ. «Eagle»=«Արծիւ» համաստեղութիւն, երբ Հայկական լեռնաշխարհի հարաւի «Անգեղ Տան» եւ նրա բերդի անուանումն էլ ուշ միջնադարից մեզ է աւանդուել «Ագիլ» ձեւով, եւ ներկայիս էլ կոչւում է «Էգիլ»:
lousavor-avedis.org
