30 սեպտեմբեր 2015
Գերմանացի ցեղասպանագէտ, Հայոց ցեղասպանութեան միջազգային ճանաչման ուղղուած բազմաթիւ նախաձեռնութիւններու հեղինակ եւ մասնակից Թեսա Հոֆման Պերլինի մէջ դասախօսութիւն եւ քննարկում կ’իրականացնէ ցեղասպանութեան հացանգործութեան, հայթրքական յարաբերութիւններու եւ այդ ծիրէն ներս Թուրքիոյ եւ Գերմանիոյ դիրքորոշման թեմայով:
«Արմէնփրես»-ի փոխանցմամբ` դասախօսութեան հրաւէրին մէջ կը նշուի, որ 100 տարի առաջ Առաջին համաշխարհային պատերազմի տարիներուն տեղի ունեցաւ քրիստոնեայ հայերու Ցեղասպանութիւնը: Եւ թէեւ Հայոց ցեղասպանութիւնը հրեաներու Հոլոքոսթի նման 20-րդ դարու ամենայայտնի ոճրագործութիւններէն մէկն է, սակայն Թուրքիան` որպէս Օսմանեան կայսրութեան իրաւայաջորդը, դեռ կը հրաժարի պաշտօնապէս ընդունելէ կատարուածը: Դասախօսութեան ժամանակ Թեսա Հոֆման պիտի խօսի՝ թէ ինչու մինչեւ այսօր այդքան դժուար է Թուրքիոյ եւ Գերմանիոյ կողմէ Հայոց ցեղասպանութեան ճանաչումը:
http://www.yerakouyn.com
