Լոս Անջելեսի ոստիկանությունը հրապարակել է հայկական դպրոցում տեղի ունեցած միջադեպի տեսանյութը

31.01.2019 – Տարածաշրջան:Աշխարհում, Հայաստան, Թուրքիա – Թեմա: Հասարակություն, Պատահարներ:

Լոս Անջելեսի ոստիկանությունը տարածել է տեսանյութ, որում երեւում է, թե ինչպես է անհայտ տղամարդը թուրքական դրոշներ կախում հայկական դպրոցի սանդուղքին:

Ոստիկանությունը խնդրում է բոլորին, ովքեր ճանաչել են հանցագործին, կապ հաստատել իրենց հետ:

Ոստիկանությունը կասկածյալին նկարագրել է որպես մոտ 170 սմ հասակ ունեցող տղամարդ: Նա սեւ դիմակ է կրել, գլխանոցով սեւ բաճկոն, սեւ տաբատ եւ սեւ կոշիկներ:

Հիշեցնենք, որ ոստիկանությունը միջադեպերից մեկը հետաքննում է որպես ատելության հողի վրա կատարված հանցագործություն:

news.am/arm/news/493713.html