15 ԱՊՐԻԼ 2019 – ՕՐԸ ՕՐԻՆ:
Երէկ` կիրակի, 14 ապրիլ 2019-ին, Զահլէի մէջ տեղի ունեցաւ Զահլէի թաղապետներու խորհուրդի ընտրութիւնը, որ սկսաւ առաւօտեան ժամը 10:00-ին եւ տեւեց մինչեւ կէսօրէ ետք ժամը 2:00:
Ընտրութեան մասնակցեցան շրջանի 97 թաղապետներէն 96-ն: Ժողովրդավարական մթնոլորտի մէջ տեղի ունեցած ընտրութեան իրենց թեկնածութիւնը առաջադրած էին 28 թաղապետներ, որոնք կը ներկայացնէին 3 ցանկեր եւ անհատներ` ընտրելու 11 հոգինոց խորհուրդը:
11 հոգինոց խորհուրդի ընտրութեան թաղապետ Յարութ Լագիսեան ունեցաւ 76 ձայն (բարձրագոյնը), որուն յաջորդեց 51 ձայն ապահոված խորհուրդի անդամ թաղապետ մը: Քուէահամարի արդիւնքներուն հրապարակումէն ետք, Զահլէի թաղապետներու խորհուրդը գումարեց իր առաջին նիստը եւ խորհուրդի նախագահ ընտրեց թաղապետ Ալի Եուսեֆը, փոխնախագահ` Յարութ Լագիսեանը:
