«Եթէ Դրախտը Կը Փնտռէք, Պէտք է Հայաստան Այցելէք». Սպանական Պարբերականը Ներկայացուցած է Հայաստանի Լաւագոյն Տեսարժան Վայրերու Ցանկը

Եթէ դրախտը կը փնտռէք, պէտք է Հայաստան այցելէք. սպանական : Etheria Magazine :

03.05.2019 –

Սպանական Etheria Magazine պարբերականի կայքին մէջ «Հայաստան. 10 վայր եդեմական այգիին մէջ» վերնագիրով հրապարակուած է յօդուած մը, ուր կը պատմուի Հայաստանի մէջ հանգիստի եւ դիտարժան վայրերու մասին:

Լուսանկարիչ-ճանապարհորդներ Խուան Քառլոս Մունյեսի եւ Մար Ռամիրեսի հեղինակած յօդուածին մէջ կը ներկայացուին Հայաստանի գլխաւոր տեսարժան վայրերը, բնական արգելոցներն ու պատմամշակութային յուշարձանները, կը յայտնէ Tert.am-ը:

«Եթէ դրախտը կը փնտռէք, պէտք է Հայաստան այցելէք: Ճանապարհները ձեզի կը տանին դէպի Եւրոպայի եւ Ասիոյ միջեւ եղած երեւակայական սահմանը, ուր, կ՛ըսեն, գոյութիւն ունեցած է եդեմական այգին: Նոյն այստեղ կարելի է տեսնել աշխարհի հնագոյն քաղաքակրթութիւններէն մէկը»,- կ՛ըսուի յօդուածին մէջ:

Հայաստանի տեսարժան վայրերու գլխաւոր տասնեակին մէջ ներառուած են՝ Զուարթնոցի տաճարի աւերակները, Գառնիի հեթանոսական տաճարը, Գեղարդի եւ Խոր Վիրապի վանքերը, Սաղմոսավանքը, Ծիծեռնակաբերդի յուշահամալիրը, Սեւանայ լիճը` Սեւանավանքով, Հանրապետութեան հրապարակը, Կասկադ համալիրը, Մատենադարանը եւ այլն։ Ի դէպ՝ իւրաքանչիւր տեսարժան վայրին մասին  ընթերցողներուն հակիրճ տեղեկութիւններ կը ներկայացուին :

yerakouyn.com/2019/05/03/եթէ-դրախտը-կը-փնտռէք-պէտք-է-հայաստան-ա/