Ամենայն հայոց կաթողիկոսի օգնության կոչը եվրոպական պետություններին. 12 նոյեմբեր, 1920թ
28 ՅՈՒԼԻՍ 2019 – ՊԱՏՄՈՒԹԵԱՆ ԷՋԵՐ:
ՎԵՀԱՓԱՌ ԿԱԹՈՂԻԿՈՍ ԳԷՈՐԳ Ե-Ի ԿՈՂՄԻՑ ԵՒՐՈՊԱԿԱՆ ՏԷՐՈՒԹԻՒՆՆԵՐԻ ՊԵՏԵՐԻՆ ՈՒՂԱՐԿՒԱԾ Է ՀԵՏԵՒԵԱԼ ՀԵՌԱԳԻՐԸ
Անգլիայի թագաւոր եւ Հնդկաստանի կայսր Գէորգ Ե-ին, Իտալիայի թագաւոր Վիկտոր Էմմանուէլ Գ-ին եւ Յունաստանի թագաւորին.
Երևան, 12 նոյեմբերի
Այն պահուն, երբ Սևրի դաշնագիրը սրբագործելու վրայ էր հայ ազգի անկախութիւնը, այն ազգի, որը համաշխարհային պատերազմի ընթացքում կռւել է Անտանտի պետութիւնների հետ ընդհանուր թշնամու դէմ, հայ ժողովուրդը հանդիսատես է ինչպէս իր դարաւոր թշնամին նորից ոտնակոխ արել իր երկիրը: Ուժասպառ եղած, սովի մատնւած, տանջւած հայ ժողովուրդը այս րոպէիս մատնւած է թշնամուն, որի նպատակն է ոչնչացնել ամբողջ ազգութիւնը և հայոց պետութիւնը, ինչպէս և ջնջել քրիստոնէական կրօնը և եկեղեցին Արևելքում:
Յանուն Փրկչի, կոչ եմ անում Ձերդ մեծութեան քրիստոնեական մարդասիրութեան փրկելու համար իմ ազգի մնացորդը Հայաստանի մէջ՝ ընձեռնելով նրան անհրաժեշտ բարոյական և ֆիզիքական օգնութիւն, մինչև որ նա հաւաքելով իր ցրւած ուժերը, ի վիճակի լինի ինքնապաշտպանւելու
ԳԷՈՐԳ Ե. Կաթողիկոս եւ Ծայրագոյն Պատրիարք Ամենայն Հայոց:
Ժողովուրդ, թիվ 195, շաբաթ, 27 նոյեմբեր, 1920թ
http://tert.nla.am/archive/NLA%20TERT/JoxovurdYerevan/1920/195.pdf
aniarc.am/2019/07/28/gevorg-v-call-european-leaders-12-november-1920/
