Սահմանին Կանգնած Իսրայէլացի Զինուորները Այս Գիշերուընէ Սկսեալ Թող Անապահով Վիճակի Մէջ Ըլլան Եւ Սպասեն Մեզի

Հարաւային Արուարձանները Ականահարումի Թիրախ` Իսրայէլեան Անօդաչու Թռչող Սարքերու Կողմէ. Սէյիտ Նասրալլա. «Սահմանին Կանգնած Իսրայէլացի Զինուորները Այս Գիշերուընէ Սկսեալ Թող Անապահով Վիճակի Մէջ Ըլլան Եւ Սպասեն Մեզի»

26 ՕԳՈՍՏՈՍ 2019 – ԼԻԲԱՆԱՆԵԱՆ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Շաբաթէն կիրակի լուսցող գիշերուան ընթացքին Հարաւային արուարձանները թիրախ դարձան իսրայէլեան անօդաչու թռչող սարքերու յարձակումին:

Անոնցմէ մէկը խանգարուեցաւ եւ ինկաւ, իսկ միւսը ականահարեց շրջանի Մուաուատ փողոցը` հսկայական վնասներ պատճառելով Հըզպալլայի տեղեկատուական գրասենեակին, ինչպէս նաեւ փշրելով անոր շրջակայքը գտնուող շէնքերուն ապակիները:

Հըզպալլայի կողմէ հրապարակուած հաղորդագրութիւն մը այդ յարձակումը նկատեց անարգ բռնարարք մը` շեշտելով, որ այդ մասին Հըզպալլայի պաշտօնական պատասխանը պիտի տրուի Հըզպալլայի ընդհանուր քարտուղար սէյիտ Հասան Նասրալլայի կողմէ:

aztagdaily.com/archives/451182