Թուրքիոյ Մէջ Պիտի Վերանորոգուի Այն Եկեղեցին, Ուր Թաղուած Է Աղբիւր Սերոբի Գլուխը

10 նոյեմբեր 2015

Թուրքիոյ Պիթլիս քաղաքին մէջ գտնուող հայկական Կարմրակ Սուրբ Նշան եկեղեցին պիտի վերանորոգուի ու պիտի դառնայ Պիթլիսի քաղաքային թանգարան:

Ինչպէս կը հաղորդէ News.am-ը՝ վկայակոչելով Պիթլիսի քաղաքապետարանը, Պիթլիսի մէջ գտնուող հայկական Կարմրակ Ս․ Նշան եկեղեցւոյ վերանորոգումը իրականացնելու գումարը ստանալու համար քաղաքապետարանը դիմում տուած էր «Արեւելեան Անատոլիոյ զարգացման գործակալութիւնը» (DAKA), որ արդէն հաստատած է զայն:

Եկեղեցւոյ վերանորոգումէն ետք անիկա պիտի դառնայ Պիթլիսի քաղաքային թանգարան:

Նշենք, որ Պիթլիսի Կարմրակ Սուրբ Նշան եկեղեցւոյ բակին մէջ թաղուած է յայտնի հայ հայդուկապետ Աղբիւր Սերոբի գլուխը:

ԵՌԱԳՈՅՆ
http://www.yerakouyn.com/