13 նոյեմբեր 2015
Մարիա Զախարովա
«Ռոյթըրզ» երէկ հաղորդեց, որ ՏԱՀԵՇ կը սպառնայ Ռուսիոյ դէմ մօտալուտ յարձակում մը գործել:
Աւելի ուշ, Ռուսիոյ արտաքին գործոց նախարարութեան բանբեր Մարիա Զախարովա նշեց, որ «Ուաշինկթըն սուրիական վարչակազմը տապալելու համար իր գրաւը դրաւ ՏԱՀԵՇ-ի կարողութեան վրայ եւ ասիկա ամերիկեան աւանդական գործելաոճ է»` աւելցնելով. «Ուաշինկթըն մէկէ աւելի անգամ փորձեց վարչակարգեր փոխել, եւ մենք գիտենք, թէ որուն նպատակն է աշխարհի կայունութիւնը խաթարել»:
Ան կոչ ուղղեց Սուրիոյ մէջ գործող ահաբեկչական կազմակերպութեանց միացեալ ցանկի մը շուրջ համաձայնութիւն գոյացնելու:
«Դամասկոսի կողմէ խաղաղութեան հաստատման ուղղութեամբ որեւէ քայլ քաոսի ծիրին ընդլայնումով հետաքրքրուած ուժերուն հակադարձութեան կ՛արժանանայ», նշեց Զախարովա:
«Մոսկուա կը մերժէ Վիեննայի բանակցութեանց մասնակիցները հիմնական եւ երկրորդական մասնակիցներու բաժնել», ըսաւ ան:
Զախարովա յայտարարեց, որ Սինայի մէջ ռուսական օդանաւին ջախջախումէն ետք Ռուսիա իր քաղաքացիները պաշտպանելու համար միջոցառումներ որդեգրած է:
Միւս կողմէ, «Սքայ Նիուզ» հաղորդեց, որ բրիտանական ուժերը քրտական ուժերուն կողքին առաջին գիծի վրայ մասնակից դարձած են Իրաքի մէջ գտնուող Սինճար շրջանի ազատագրութեան գործողութեան:
ԱԶԴԱԿ
http://www.aztagdaily.com/
