Եւրոխորհրդարանին Մէջ Իտալացի Պատգամաւորը Ցուցադրաբար Գետին Նետած է Թրքական Տուրմի Տուփը
24 ՀՈԿՏԵՄԲԵՐ 2019 – ԱՆԴՐԱԴԱՐՁ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: «Աֆրինում Թուրքիայի Հանրապետութեան զինուած ուժերի կողմից իրականացուող ռազմական գործողութեան վերաբերեալ: Իսկ ի՞նչ իրաւունքով են այդ զինուած ուժերը այնտեղ» «LOUSAVOR AVEDIS»
Իտալիոյ խորհրդարանի աջակողմեան կուսակցութեան պատգամաւոր Անճելօ Չիոքան Եւրոխորհրդարանի (ԵԽ) արտահերթ նիստի տեղի ունեցած ելոյթի ժամանակ դատապարտած է Սուրիոյ հիւսիս-արեւելքի մէջ թրքական զինուժի «Խաղաղութեան աղբիւր» ռազմական գործողութիւնը:
Այս մասին կը յայտնէ ermenihaber.am կայքը:
Իտալացի պատգամաւորը իր աղմկայարոյց ելոյթի ընթացքին ի պատասխան Սուրիոյ մէջ Թուրքիոյ ռազմական գործողութեա` թուրք պատգամաւորներուն նուիրած տուրմի տուփը ցուցադրաբար գետին նետած է` միաժամանակ իր գործընկերներուն կոչ ընելով նոյնը ընելու իրենց բաժանուած տուրմի տուփերուն:
«Ես «ոչ» կ՛ըսեմ այդպիսի Թուրքիոյ»,- ըսած է պատգամաւորը:
Չիոքան նշած է, որ թրքական զինուժը կրակ բացած է քաղաքացիական բնակչութեան ուղղութեամբ եւ աւելցուցած, որ մարդասպաններուն ու ահաբեկիչներուն աջակցողներէն նուէր չեն ընդունիր:
Նշենք, որ տուրմի տուփին վրայ պատկերուած եղած է Թուրքիոյ դրօշը:
yerakouyn.com/2019/10/24/եւրոխորհրդարանին-մէջ-իտալացի-պատգամ/
