Ռուսիան Լրացուցիչ 300 Զինուոր Եւ 20 Զրահապատ Մեքենայ Ուղարկած Է Հիւսիսային Սուրիա
02 ՆՈՅԵՄԲԵՐ 2019 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: ««Դ Ի Մ Ո Ւ Մ ՄԱԿ-ին — Հայաստան պետության եւ Ադրբեջանի Հանրապետության միջեւ սահմանի (սահմանազատման) վերաբերյալ»»
Ռուսիան լրացուցիչ 300 զինուոր եւ 20 զրահապատ մեքենայ ուղարկած է Սուրիոյ հիւսիս, ուր զինուորական ոստիկանութիւնը թրքական կողմին հետ պիտի սկսի սահմանամերձ շրջաններու մէջ հսկողութիւնը: Այս մասին կը հաղորդէ «ՌԻԱ Նովոսթի» լրատու գործակալութիւնը:
Ռուս զինուորականները ամէն օր պիտի անցնին ոչ նուազ քան տասը բնակավայրէ: Այժմ կը նախագծուին միացեալ վերահսկողութեան ուղիները:
Նախատեսուած վայրերուն մէջ ռուսական «Թիկր» զրահապատ մեքենան պիտի դիմաւորէ թրքական շարասիւնը, որմէ ետք պիտի սկսի հսկողութիւնը:
Հսկողութեան հինգ ժամուան ընթացքին պէտք է յաղթահարել շուրջ 150 քիլոմեթր:
Յիշեցնենք, որ 9 հոկտեմբերին Էրտողան յայտարարած էր Սուրիոյ հիւսիսը «Խաղաղութեան աղբիւր» զինուորական գործողութեան մեկնարկին մասին:
aztagdaily.com/archives/464211
