Մանուկեան Վարժարանը Փակելու Որոշումին Դէմ Ցոյց՝ Առաջնորդարանին Առջեւ
05 ՆՈՅԵՄԲԵՐ 2019 – ԱՆԴՐԱԴԱՐՁ:
ՊԸՐՊԵՆՔ.- ՀԲԸՄի Փասատինայի Վաչէ եւ Թամար երկրորդարական վարժարանը փակելու ՀԲԸՄի որոշումին դէմ բողողքի ցոյց մը տեղի ունեցաւ Կիրակի, 3 Նոյեմբերին, Հայց. առաքելական եկեղեցւոյ Հիւսիսային Ամերիկայի Արեւտեան թեմի առաջնորդարանին առջեւ, մասնակցութեամբ առաւել քան 200 աշակերտներու, ծնողներու, շրջանաւարտներու եւ համակիրներու, որոնց մէջ կային Կիպրոսի Մելգոնեան վարժարանի նախկին աշակերտներ եւ Յովսէփեան ու Սահակ-Մեսրոպ վարժարաններու աշակերտներ։
Այս ցոյցը կատարելու մասին յայտարարութիւնը կատարուեցաւ Ուրբաթ օր, վարժարանի Ծնողական մարմինին կողմէ Թէքէեան Մշակութային Միութեան կեդրոնին մէջ գումարուած հաւաքին ընթացքին։
Առաջնորդարանի ցոյցին նպատակն էր կոչ ընել առաջնորդ Յովնան արք. Տէրտէրեանին, որ միջամտելով՝ փորձէ փրկել վարժարանը։ Առաջնորդը այդ օր Հայաստան կը գտնուէր, ուր մեկնած էր մասնակցելու Հոգեւոր խորհուրդի ժողովին։
Ցոյցին ընթացքին ելոյթներ ունեցան ծնողներ, շրջանաւարտներ, անձնակազմի անդամներ եւ աշակերտներ։
(Քաղուած Ալին Արսլանեանի լրատուութենէն)
asbarez.com/arm/356966/Մանուկեան-Վարժարանը-Փակելու-Որոշում/
