Հայ Ժողովուրդի Հզօրութիւնը Տեսանելի է. Յունաստանի Նախագահը Մատենադարան Այցելած է
06 ՆՈՅԵՄԲԵՐ 2019 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: ««Արեւմտյան Հայաստանի Հանրապետությունը (Հայաստան) դիմել է ՄԱԿ՝ ԱՄՆ 28–րդ նախագահ Վուդրո Վիլսոնի 1920 թ. նոյեմբերի 22–ին կայացրած Իրավարար վճիռը կյանքի կոչելու եւ իրականացնելու վերաբերյալ»»
Յունաստանի նախագահ Փրոգոփիոս Փաւլոփուլոսը տիկնոջ՝ Վլասիա Փաւլոփուլուի հետ, Նոյեմբեր 6-ին, այցելած է Մեսրոպ Մաշտոցի անուան հին ձեռագրերու գիտահետազօտական Մատենադարան-հիմնարկ: Անոնց կ՝ուղեկցէր ՀՀ շրջակայ միջավայրի նախարար Էրիկ Գրիգորեան: Այս մասին կը հաղորդէ Armenpress.am-ը։
Յունաստանի նախագահը դիմաւորած է Մատենադարանի տնօրէն Վահան Տէր-Ղեւոնդեան: Շրջայցին ընթացքին՝ Փրոգոփիոս Փաւլոփուլոսին ներկայացուած են ցուցասրահներուն մէջ ցուցադրուած ձեռագրերու նմուշները:
Շրջայցէն ետք՝ լրագրողներու հետ զրոյցին ընթացքին՝ Յունաստանի նախագահը կիսուած է իր տպաւորութիւններով: Ան նշած է, որ ձեռագրերու այս կեդրոնը շատ արժէքաւոր թանգարան է:
«Անիկա կը ներկայացնէ ոչ միայն հայկական, այլ մարդկային մշակոյթը: Կը տեսնենք հայոց լեզուի, հայոց գիրերու ճանապարհը, թէ ինչքան տպաւորիչ է: Այն, ինչ այստեղ տեսանք մեծ ներդրում է ընդհանուր մարդկութեան մշակոյթին մէջ: Հայերէնը, հայ գրողները նպաստեցին, որ թարգմանուի յունական գրականութիւնը: Այս թանգարանը մեծ կարեւորութիւն ունի: Այդ իմաստով, կը կարծեմ, որ Մատենադարանը ընդհանուր մարդկութեան մշակոյթի կեդրոն է: Զիս յուզեց այն մեծ ձեռագիրը, որ ձեր նախնիները ցեղասպանութեան ընթացքին դուրս հանած են եւ փրկած ոչնչացումէ: Անոնք ամէն ինչ ըրած են, որ այդ վայրագութիւններէն փրկեն ձեռագրերը: Ատիկա ցոյց կու տայ հայ ժողովուրդին հզօրութիւնը»,- ըսած է Յունաստանի նախագահը:
yerakouyn.com/2019/11/06/հայ-ժողովուրդի-հզօրութիւնը-տեսանելի/
