Թուրքիան Չի Քննարկեր «Էս-400»-ի Շուրջ Նոր Համաձայնագիրի Կնքման Հարցը
21 ՆՈՅԵՄԲԵՐ 2019 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: ««Դ Ի Մ Ո Ւ Մ ՄԱԿ-ին Արեւմտյան Հայաստանի եւ Կիլիկիայի տարածքների ապառազմականացման, այնտեղից Թուրքիայի Հանրապետության բռնազավթիչ ուժերը դուրս բերելու վերաբերյալ»»
Թուրքիան ներկայիս չի քննարկեր «Էս-400» հակաօդային պաշտպանութեան համակարգերու մատակարարման վերաբերեալ Ռուսիոյ հետ նոր համաձայնագիրի կնքման հարցը: ԹԱՍՍ` յղում կատարելով Թուրքիոյ նախագահի վարչակազմի կայքին, կը հաղորդէ, որ այս մասին յայտարարած է Թուրքիոյ նախագահի բանբեր Իպրահիմ Քալըն:
«Ինչպէս գիտէք` մեր համաձայնագիրը ստորագրուած է ապրիլ 2017-ին, «Էս-400»-ի մատակարարման հոլովոյթը այդ համաձայնագիրի ծիրին մէջ կը շարունակուի: Ներկայիս նոր համաձայնագիրի կնքման մասին խօսք չկայ: Յառաջիկային պիտի շարունակուի մարտկոցներու մատակարարման, անձնակազմի ուսուցման, համակարգերու ծաւալման, տեղակայման վայրերու ընտրութեան, ծրագրային ապահովման կարգաբերման հոլովոյթը: Ատիկա, ի հարկէ, թեքնիք տեսանկիւնէն տեւական հոլովոյթ է», յայտնած է Քալըն:
Նշենք, որ Թուրքիոյ նախագահ Ռեճեփ Թայիփ Էրտողան յայտարարած էր, որ 13 նոյեմբերին Միացեալ Նահանգներ կատարած այցելութեան ընթացքին ան իր ամերիկացի պաշտօնակից Տանըլտ Թրամփին տեղեկացուցած է ռուսական «Էս-400» հակաօդային պաշտպանութեան համակարգեր ձեռք բերելու Անգարայի որոշման անփոփոխութեան մասին:
aztagdaily.com/archives/466568
