Սամուէլ Կարապետեան 1.5 Միլիոն Տոլար Նուիրած է «Հայաստան» Համահայկական Հիմնադրամին
29 ՆՈՅԵՄԲԵՐ 2019 – ՀԱՅԱՍՏԱՆ – ՍՓԻՒՌՔ – ՀԱՄԱԳՈՐԾԱԿՑՈՒԹԵԱՆ ՈՒՂՂԻՆԵՐ:
“Տաշիր” ընկերութիւններու խումբի սեփականատէր Սամուէլ Կարապետեան 1.5 միլիոն տոլար նուիրած է «Հայաստան» համահայկական հիմնադրամին, կը հաղորդէ aniarc-ը:
Կարապետեան հիմնադրամի ամենամեծ նուիրատուն է: 1992-էն, երբ ստեղծուեցաւ հիմնադրամը, Կարապետեան ընդհանուր առմամբ նուիրաբերած է շուրջ 25 միլիոն տոլար: Նուիրատուութեան ծաւալով երկրորդը Քըրք Քրքորեանն է:
Նոյեմբեր 28-ին տեղի ունեցաւ «Հայաստան» համահայկական հիմնադրամի 22-րդ հեռուստամարաթոնը` «Ես իմ անուշ Հայաստանի․ կենարար ջուր եւ արեւ համայնքներին» խորագիրով:
Սամուէլ Կարապետեանը, ըստ ամերիկեան Forbes պարբերականի 2019-ի ցուցակին, աշխարհի ամենահարուստ հայն է:
Կարապետեանի կարողութիւնը գնահատուած է 3.7 միլիառ տոլար:
Yerakouyn.com/2019/11/29/սամուէլ-կարապետեան-1-5-միլիոն-տոլար-նուի/
