23 նոյեմբեր 2015
Ռուսական օդուժի ռմբաձիգները 5 օրուան մէջ ոչնչացուցած են քարիւղ տեղափոխող մօտ 1000 բերնատար ինքնաշարժներ, որոնք պատկանած են «Իսլամական պետութիւն» ահաբեկչական խմբաւորման, կը տեղեկացնէ Tert.am-ը՝ վկայակոչելով ՌԻԱ Նովոսթի գործակալութիւնը:
«Վերջին 5 օրերուն ռուսական ռմբաձիգներները ոչնչացուցած են մօտ 1000 ինքնաշարժներ, որոնք անմշակ քարիւղ կը տեղափոխէին ԻՊ ահաբեկչական խմբաւորման կողմէ վերահսկուող տարածքներուն մէջ գտնուող գործարաններ»,- յայտարարած է Ռուսիոյ ՊՆ ներկայացուցիչ Իկոր Քոնաշենքովը:
Բացի այդ, ռուս պաշտօնեան հաղորդած է ահաբեկիչներու կարեւորագոյն քարիւղային կեդրոնները ոչնչացնելու մասին:
Նախապէս Ռուսիոյ պաշտպանութեան նախարարութիւնը հաշուետուութիւն ներկայացուցած էր հանգստեան օրերուն Սուրիոյ տարածքին ահաբեկիչներու դիրքերուն հասցուցած օդային հարուածներուն վերաբերեալ:
«Ռուսիոյ ռազմատիեզերական ուժերը 141 մարտական թռիչք իրականացուցած են եւ հարուածած են ահաբեկիչներու 472 դիրքեր` Հալէպի, Դամասկոսի, Իտլիպի, Լաթաքիոյ, Համայի, Հոմսի, Ռաքքայի, Տէր Զօրի մէջ»,- յայտարարած էր գերատեսչութեան պաշտօնական ներկայացուցիչ Իկոր Քոնաշենքովը:
ԵՌԱԳՈՅՆ
http://www.yerakouyn.com/
