Պրաթիսլաւայի Մէջ Տեղի Ունեցաւ Մնացականեան – Մամետեարով Հանդիպումը
05 ԴԵԿՏԵՄԲԵՐ 2019 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
Հայաստանի արտաքին գործոց նախարարութեան մամլոյ բանբեր Աննա Նաղդալեան կը հաղորդէ, թէ 4 դեկտեմբերին, ԵԱՀԿ-ի Մինսքի խմբակի համանախագահներուն միջնորդութեամբ, ԵԱՀԿ-ի 26-րդ Նախարարական խորհրդաժողովի ծիրին մէջ Պրաթիսլաւայի մէջ տեղի ունեցաւ Ազրպէյճանի եւ Հայաստանի արտաքին գործոց նախարարներ Էլմար Մամետեարովի եւ Զոհրապ Մնացականեանի հանդիպումը:
Անկէ առաջ տեղի ունեցաւ Զոհրապ Մնացականեանին եւ ԵԱՀԿ-ի Մինսքի խմբակի համանախագահներ Սթեֆան Վիսքոնթիի (Ֆրանսա), Էնտրու Շոֆըրի (Միացեալ Նահանգներ), Իկոր Փոփովի (Ռուսիա) եւ ԵԱՀԿ-ի գործող նախագահի անձնական ներկայացուցիչ Անճէյ Քասփըրչիքի միջեւ տեսակցութիւնը:
aztagdaily.com/archives/456054
