Ռուսական Ուժերը Տեղակայուած Են Հասաքէի Գիւղերէն Մէկուն Մէջ, Ուր Նախապէս Կային Ամերիկեան Ուժեր
27 ԴԵԿՏԵՄԲԵՐ 2019 – ԱՆԴՐԱԴԱՐՁ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
«ՌԻԱ Նովոսթի» լրատու գործակալութիւնը կը հաղորդէ, որ ռուսական զինուորական ոստիկանութիւնը Հասաքէ քաղաքի հիւսիսը գտնուող Թալ Սաման գիւղին մէջ տեղակայուած են` այն դիրքերու վրայ, որոնք նախապէս կը գտնուէին ամերիկեան ուժերու վերահսկողութեան տակ: Շրջանը ռազմավարական կարեւորութիւն կը ներկայացնէ, որովհետեւ կը գտնուի Հասաքան երկիրի կեդրոնին ու հիւսիսին կապող խաչմերուկի վրայ:
Ռուսական լրատու գործակալութիւնը կը նշէ, որ Թալ Սաման գիւղը 26 քիլոմեթր հեռու է Ռաքքայէն, որ ազատագրուելէ առաջ ՏԱՀԵՇ ահաբեկչական խմբաւորումի կեդրոնն էր:
«Սուրիական կառավարութիւնը նախապէս յայտնած էր, թէ զինեալները այս ճամբուն միջոցով զէնք կը փոխադրէին, երբ այդ կէտը տակաւին ամերիկեան ուժերու վերահսկողութեան տակ էր», աւելցուց «ՌԻԱ Նովոսթի»:
Ռուսական լրատու գործակալութիւնը նաեւ հաղորդեց, որ ամերիկեան ուժերը քանի մը օր առաջ գրաւած են շէնք մը, որ նախապէս դպրոց էր:
aztagdaily.com/archives/459215
