Իրանը եւ տարածաշրջանի մյուս երկրները վրեժ կլուծեն գեներալ Սոլեյմանիի սպանության համար. Հասան Ռոհանի
03.01.2020 – Տարածաշրջան: Աշխարհում, Իրան – Թեմա: Քաղաքականություն:
Իրանը եւ տարածաշրջանի մյուս երկրները վրեժ կլուծեն գեներալ-մայոր Ղասեմ Սոլեյմանիի սպանության համար։ Այս մասին ասել է երկրի նախագահ Հասան Ռոհանին, տեղեկացնում է Tasnim-ը։
Նրա խոսքով՝ գեներալ Սոլեյմանիի սպանությունը հանցավոր եւ ագրեսիվ ԱՄՆ-ի կողմից կոտրել է իրանական ազգի եւ տարածաշրջանի մյուս երկրների սիրտը։ Նախագահն ավելացրել է, որ սպանությունն ամրապնդել է Իրանի եւ ազատության ձգտող մյուս երկրների վճռականությունը՝ դիմակայել ԱՄՆ չափից ավելի մեծ պահանջներին եւ պաշտպանել իսլամական արժեքները։
«Անկասկած, նման վախկոտ քայլերը ԱՄՆ-ից հուսահատվելու եւ տարածաշրջանում նրա անզորության եւս մեկ վկայությունն են, եւ տարածաշրջանային պետությունները թշնամանքով են լցվում այդ ագրեսիվ ռեժիմի դեմ»,- ասել է նախագահը։
Նա նշել է, որ ԱՄՆ-ը խախտել է հումանիտար եւ միջազգային իրավունքի բոլոր սկզբունքներն ու նորմերը ամենաանմարդկային եւ դաժան ձեւով։
Դատապարտելով Միացյալ Նահանգների բարբարոսական հանցագործությունը՝ Ռոհանին պատշաճն է մատուցել գեներալ Սոլեյմանիին Իրանի տարածքային ամբողջականության պաշտպանության եւ տարածաշրջանում ահաբեկչության ու ծայրահեղականության դեմ պայքարի նրա ջանքերի համար։
news.am/arm/news/552795.html
