Հայաստանի Եւ Ազրպէյճանի Արտաքին Գործոց Նախարարներու Հանդիպում
30 ՅՈՒՆՈՒԱՐ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: «««Արեւմտյան Հայաստանի Խորհրդարանի 10.01.2018 թ. որոշումը «Արեւմտյան Հայաստանի հայերի Պաշտպանության ուժեր կազմավորելու վերաբերյալ»»»
29 յունուարին Ժընեւի մէջ տեղի ունեցաւ Հայաստանի եւ Ազրպէյճանի արտաքին գործոց նախարարներ Զոհրապ Մնացականեանի եւ Էլմար Մամետեարովի հանդիպումը, որ պիտի շարունակուի 30 յունուարին:
Այս մասին յայտնեց Հայաստանի արտաքին գործոց նախարարութեան մամլոյ բանբեր Աննա Նաղդալեան:
«Ընդունուած գործառոյթի համաձայն, հանդիպման արդիւնքներուն շուրջ կը հրապարակուի մամլոյ հաղորդագրութիւն: Ինչպէս նշած ենք, հանդիպումին անդրադարձ կատարուած է Լեռնային Ղարաբաղի խաղաղ լուծման հոլովոյթին առնչուող հարցերու լայն շրջանակի», յայտնեց ան:
Հանդիպումը տեղի ունեցաւ ԵԱՀԿ-ի Մինսքի խմբակի համանախագահներ Իկոր Փոփովի (Ռուսիա), Սթեֆան Վիսքոնթիի (Ֆրանսա), Էնտրիւ Շոֆըրի (Միացեալ Նահանգներ) եւ ԵԱՀԿ-ի գործող նախագահի անձնական ներկայացուցիչ Անճէյ Քասփրչիքի միջնորդութեամբ եւ մասնակցութեամբ:
Երկու նախարարներուն հանդիպումէն առաջ Զոհրապ Մնացականեան տեսակցեցաւ Մինսքի խմբակի համանախագահներուն եւ Անճէյ Քասփրչիքի հետ:
www.aztagdaily.com/archives/462864
