Արտակ Գալստյան – ՀՈՒՍԱՄ ԱՍՏԾՈ ՊԱՏԳԱՄՆԵՐԸ ԽՈՐԹ ՉԵՆ ՁԵԶ ՀԱՄԱՐ – Արտակ Գալստյան – ՀՈՒՍԱՄ ԱՍՏԾՈ ՊԱՏԳԱՄՆԵՐԸ ԽՈՐԹ ՉԵՆ ՁԵԶ ՀԱՄԱՐ
10 ՓԵՏՐՈՒԱՐ 2020 – ՀԱՅԱՍՏԱՆ:
Տիկնայք և պարոնայք ՍԴ անդամներ, այս բառի բուն իմաստով:
Լուրեր են պտտվում, որ ձեզ ստիպում են հրաժարական չտալ, ի թիվս այլոց ձեզ մեղադրելով առնետավազքի մեջ:
Հայտնեմ Ձեզ, որ ձեր դեպքում, այդ մեղադրանքը անհիմն է:
Նախ ասեմ ձեզ, առնետավազքն ըստ էության այնքան էլ վատ բան չէ։
Բանն այն է, որ այս տերմինը քաղաքականություն է մտել` հիմք ունենալով այն պարզ իրողությունը, որ առաջինն առնետներն են լքում խորտակվող նավը։
Իսկ ինչո՞ւ հենց առնետները։
Որովհետեւ նրանք գտնվում են նավամբարում, եւ եթե նավի իրանի հետ ինչ-որ բան է կատարվում, ջուրն առաջինը հենց նավամբարն է լցվում։
Ուշադրություն դարձրեք եւս մի հանգամանքի վրա. առնետները, որպես կանոն, նավում հայտնվում են ոչ թե ծովային հաճելի զբոսանքի կամ նոր հորիզոններ բացահայտելու ձգտումով, այլ սննդամթերքի պաշարներն ուտելու համար։
Հիմա հարց է ծագում. իսկ ի՞նչ անեն առնետները, եթե նավը խորտակվում է, իսկ դա նշանակում է, որ կրծելու և լափելու այլևս ոչինչ շուտով չի լինելու:
Հանուն ինչի՞ պիտի մնան նավում եւ խորտակվեն։
Հո հիմա՞ր չեն։ Եվ վերջապես` ի՞նչ հերոսություն կա դրանում։
Երբ ակնհայտ է, որ ոչ մի առնետ կամ առնետների խումբ, չի կարող փրկել խորտակվող նավը:
Միևնույն ժամանակ պետք է նշեմ, որ նավագնացոության մեջ եթե առաջինը առնետներն են լքում նավը, ապա Նավապետը այն լքում է վերջինը, մինչ այդ խորտակվող նավից փրկելով բոլոր ուղևորներին:
Ձեր նավում, ուղևորներ չեն եղել:
Եղել են առնետներ, որոնք դեռևս 2018թ-ին գիտակցելով որ նավը խորտակվում է, առաջինը լքեցին այն:
Տվյալ դեպքում դուք փաստացի Նավապետներ էք, իսկ խորտակվող նավը դատարկ է:
Կարծում եմ ժամանակն է որ դուք էլ հեռանաք:
Հ.Գ
Հիշեցնեմ, որ Աստվածաշնչում ինքնասպանությունը, այդ թվում նաև քաղաքական, համարվում է ծայրագույն մեղքերից մեկը և այդպիսի արարք գործած մարդուն, նույնիսկ արգելվում է հոգեհանգիստ կատարել:
Հուսամ Աստծո պատգամները խորթ չեն ձեզ համար:
Արտակ Գալստյան
www.facebook.com/artakgalstyan00/photos/a.112411260157186/201011657963812/?type=3&theater
