«Լիբիայի Ազգային բանակը» թուրքական նավ է ոչնչացրել (վիդեո)
18 Փետրվար 2020 – ՌԱԶՄԱԿԱՆ:
Լիբիայի մայրաքաղաք Տրիպոլիի նավահանգստում գեներալ Խալիֆա Հաֆթարի գլխավորած «Լիբիայի ազգային բանակը» ռմբահարել է զենք-զինամթերք տեղափոխող թուրքական նավ:
Այս մասին տեղեկացվում է «Լիբիայի Ազգային բանակի» ֆեյսբուքյան էջում:
Դեպքի առնչությամբ Թուրքիայի բարձրաստիճան պաշտոնյաներից դեռևս որևէ պաշտոնական արձագանք չկա:
Նշվում է, որ թուրքական նավը ոչնչացվել է Թուրքիայի արտգործնախարար Մևլութ Չավուշօղլուի` Լիբիայի հարցի շուրջ արած հայտարարությունից հետո:
Չավուշօղլուն պնդել էր, որ «Լիբիայի Ազգային բանակը» խախտում է հրադադարը և շեշտել, որ պետք է դադարեցնել գեներալ Հաֆթարի գործողությունները:
Ավելի վաղ «Լիբիայի Ազգային բանակը» հայտարարել էր, որ իրենց ձեռքն էր անցել Լիբիայի ջրերում խարիսխ գցած թուրքական մի նավ, այդ թվում` նավի անձնակազմը:
سكاي نيوز عربية
✔@skynewsarabia
#الجيش_الليبي يعلن استهداف سفينة شحن تركية كانت محملة بأسلحة في #ميناء_طرابلس#شاهد_سكاي
Աղբյուր` cumhuriyet.com.tr
ermenihaber.am/am/news/2020/02/18/Լիբիա-Թուրքիա/176422
