Էրդողանի խորհրդական. «Նախկինում 16 անգամ Ռուսաստանի դեմ պատերազմել ենք ու պատրաստ ենք կրկին անել դա»
28 Փետրվար 2020 – ՔԱՂԱՔԱԿԱՆ:
Թուրքիայի նախագահ Ռեջեփ Թայիփ Էրդողանի արտաքին քաղաքական հարցերով խորհրդական Մեսութ Հաքը Ջասընը Իդլիբում տեղի ունեցած հարձակումից հետո սադրիչ հայտարարություն է արել հեռուստաեթերից:
Նա նշել է, որ Թուրքիան պատրաստ է պատերազմել Ռուսաստանի հետ, ինչպես դա տեղի է ունեցել բազմիցս պատմության ընթացքում։
«Նախկինում 16 անգամ Ռուսաստանի դեմ պատերազմել ենք: Ու պատրաստ ենք կրկին անել դա»։
Շարունակելով հակառուսական իր ելույթը՝ Էրդողանի խորհրդականը նշել է. «Եթե հարկ լինի, կպատերազմենք Ռուսաստանի դեմ: Ճիշտ է, կորուստներ կկրենք, բայց և շատ վնասներ էլ կպատճառենք: Կտեսնեք, որ Ռուսաստանը ներսից պառակտվելու է, այնտեղ 25 մլն մուսուլման կա»:
Մեսութ Հաքը Ջասընը վերջում սպառնացել է վրեժով:
Հիշեցնենք, որ փետրվարի 27-ի լույս 28-ի գիշերը Իդլիբ նահանգում Սիրիայի կառավարական ուժերի ավիահարվածների հետևանքով սպանվել է 33 թուրք զինծառայող:
ermenihaber.am/am/news/2020/02/28/Էրդողան-Ռուսաստան/177269
