Սիրիացիները սկսել են մեկը մյուսի հետևից ճշգրտորեն ոչնչացնել թուրքական անօդաչուները. Վարդան Ոսկանյան
2 Մարտի 2020, – Աշխարհ:
Դատելով լրատվական դաշտից՝ Իդլիբում կարծես թե ամենաթեժ պայքարն ընթանում է նաեւ երկնքում ռազմական գերակայության համար։ Այս մասին Facebook-ի իր էջում գրել է իրանագետ Վարդան Ոսկանյանը. հայտնում է Yerkir.am-ը:
Նա, մասնավորապես, նշել է. «Հայտնի է, որ Սիրիայի եւ հատկապես այս երկրի արեւմուտքի գրեթե ողջ օդային տարածքում գերակայությունը մինչ այժմ սիրիական օրինական իշխանություններին օժանդակող ռուսական կողմինն էր, ուստի հիմա Թուրքիայի ԱԹՍ-ների եւ ՀՕՊ համակարգերի կողմից մարտահրավերը նետված է ոչ միայն Սիրիայի բանակին, այլ նաեւ, եւ միգուցե առաջին հերթին, հենց Ռուսաստանին։
Թե ինչպիսի զարգացումներ տեղի կունենան Իդլիբի երկնքի համար մարտերում, կարծում եմ՝ ցույց կտան առաջիկա օրերը; Սակայն ակնհայտ է, որ սիրիացիներն, ամենայն հավանականությամբ, ոչ առանց ռուսական կողմի օժանդակության սկսել են մեկը մյուսի հետեւից ճշգրտորեն ոչնչացնել թուրքական անօդաչուները՝ արդեն իսկ որոշակիորեն սահմանափակելով դրանց անպատիժ թռիչքները»:
Դատելով լրատվական դաշտից՝ Իդլիբում կարծես թե ամենաթեժ պայքարն ընթանում է նաև երկնքում ռազմական գերակայության համար։…
Posted by Vardan Voskanyan on Monday, March 2, 2020
www.yerkir.am/news/view/193530.html?