Թուրքիա Կը Մերժէ Իր Ծանր Զէնքերը Հեռացնել Իտլիպի Մէջ Գտնուող Հսկողութեան Կէտերէն
14 ՄԱՐՏ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: //ՈՐՈՇՈՒՄ «Արեւմտյան Հայաստանի հայերի պաշտպանության ուժեր կազմավորելու վերաբերյալ»//
Թուրքիոյ պաշտպանութեան նախարարութիւնը երէկ յայտարարեց, որ թրքական բանակը իր ծանր զէնքերը պիտի չհեռացնէ Իտլիպի մէջ հսկողութեան կէտերէն:
Նախարարութիւնը յայտնեց, որ թրքական հսկողութեան կէտերը պիտի շարունակեն իրենց աշխատանքը, ըստ Սոչիի եւ Ասթանայի մէջ գոյացած փոխադարձ հասկացողութիւններուն:
Ըստ թրքական լրատուամիջոցներու, թրքական զինուորական աղբիւր մը, խօսելով «Էմ4» մայրուղիէն հեռանալ մերժող ծայրայեղական խմբաւորումներուն նկատմամբ Անգարայի որդեգրելիք քայլերուն մասին, ըսաւ. «Պաշտպանութեան նախարար Հուլուսի Աքար յայտնեց, որ թրքական բանակը պէտք եղածը պիտի ընէ այն կողմերուն դէմ, որոնք չեն յարգեր զինադադարը, եւ պէտք եղածը պիտի ընէ ատոր (զինադադարին, «Ա.») շարունակման համար»:
Միւս կողմէ, զինուորական ու քաղաքական հարցերու փորձագէտ Քամալ Ժաֆա երէկ «Մայատին»-ին յայտնեց. «Այսօր Թուրքիան իր ամբողջ ծանր սպառազինութիւնը հեռացուց «Էմ4» ճամբուն մերձակայքէն»:
www.aztagdaily.com/archives/468534
