Թրքական Կայք «Քորոնա» Ժահրի Պատուաստանիւթը Ստեղծած Ընկերութեան Հիմնադիր Նուպար Աֆէյեանի Նախնիները Թուրքիայէն Են

Թրքական Կայք «Քորոնա» Ժահրի Պատուաստանիւթը Ստեղծած Ընկերութեան Հիմնադիր Նուպար Աֆէյեանի Նախնիները Թուրքիայէն Են.«Հայկական Բննօրանէն են, Հայկական արմատներով «ԼՈՒՍԱՒՈՐ ԱՒԵՏԻՍ»-ի խմբ.

17 ՄԱՐՏ 2020 – ԿԵԱՎՈՒՐՆԵՐԸ ԵՒ ՄԵՆՔ: «««Թուրքիայի իրականացրած հանցագործությունները հայ ժողովրդի, մարդկության եւ քաղաքակրթության դեմ, առնվազն վերջին 100 տարիների ընթացքում»»»

Թրքական «Sozcu» թերթի կայքը անդրադարձած է նոր տեսակի «քորոնա» ժահրի դէմ պատուաստանիւթ ստեղծած ամերիկեան «Moderna Inc.» ընկերութեան հիմնադիր Նուպար Աֆէյեանի կենսագրութեան:

Ըստ Ermenihaber.am-ի տեղեկութիւններուն՝ թրքական լրատուամիջոցը գովերգութեան երանգով շեշտած է, որ հայ Աֆէյեանի ընտանիքի արմատները կ՝երկարին մինչեւ Օսմանեան կայսրութիւն: «Այլ կ՛երկարին Օսմանեան կայսրութիւն ըսուածէն շատ առաջ, «ԼՈՒՍԱՒՈՐ ԱՒԵՏԻՍ»-ի խմբ.

«Աշխարհը պատուհասած «քորոնա» ժահրին դէմ ստեղծուած պատուաստանիւթը սկսած է փորձարկուիլ մարդոց վրայ: MRNA-1273 անուանումով պատուաստանիւթը ստեղծած ամերիկեան «Moderna Inc.» ընկերութեան հիմնադիրներէն Նուպար Աֆէյեանն ալ Թուրքիայէն (Արեւմտաեան Հայաստանէն, Եռագոյն-ի խմբ.) սերող ընտանիքի թոռնիկ է»,- գրած է կայքը՝ իր հրապարակումը վերնագրելով «Աշխարհի սպասած «քորոնա» ժահրի պատուաստանիւթի թրքական մասը»:

Ապա հրապարակման մէջ ներկայացուցած է Աֆէյեանի ընտանիքին պատմութիւնը:

«Ազգութեամբ հայ Նուպար Աֆէյեանի ընտանիքը Օսմանեան կայսրութեան վերջին ժամանակահատուածին տեղի ունեցած 1915-ի դէպքերէն ետք կը տեղափոխուի Պէյրութ»,- գրած է կայքը՝ ակնյայտօրէն խուսափելով Հայոց Ցեղասպանութիւն բառակապակցութեան կիրառումէն:

Նշուած է նաեւ, որ Աֆէյեանի հայրը՝ Փաթրիքը, ծնած է Պուլկարիա, 1929-ին։ Աֆէյեաններու ընտանիքը զբաղած է գործարարութեամբ՝ Թուրքիայէն Պուլկարիա հաւկիթի ներմուծումով։

Աֆէյեանը Ամերիկայի կենսաճարտարագիտտական եւ կենսաբանական գիտութիւններու ոլորտի առաջնակարգ ձեռներէցներէն է: Ըստ թրքական աղբիւրին՝ ան վերջին 28 տարիներուն հիմնած է աւելի քան 30 ընկերութիւն: Կ՝ենթադրուի, որ անոնց ընդհանուր արժէքը 10 միլիառ ԱՄՆ տոլար է։

«ԱՄՆ-ի հանրածանօթ ուսուսնական հաստատութիւններէն Մասաչուսէթսի ճարտարագիտական համալսարանի կենսաքիմիական ճարտարագիտութեան ամպիոնին մէջ, 1987-ին, դոկտորականը պաշտպանած Աֆէյեանը ոչ միայն ԱՄՆ-ի՝ այլ ամբողջ աշխարհի մէջ խորհրդաժողովներ կը կազմակերպէ ձեռներէցութեան, նորարարութեան, շահադիտական դրամագլուխի, կենսաքիմիայի, ճարտարագիտութեան, դեղագիտութեան, բժշկական ճարտարագիտութիւններու եւ վերականգնուող ուժանիւթի թեմաներով»,- եզրափակած է յօդուածը։

yerakouyn.com/2020/03/17/քորոնա-ժահրի-պատուաստանիւթը-ստեղծ/