Միացեալ Նահանգներ «Քայեմ» Ռազմակայանը Յանձնած Են Իրաքին – Միացեալ Նահանգներ «Քայեմ» Ռազմակայանը Յանձնած Են Իրաքին

March 20, 2020 Lousavor Avedis Աշխարհ 0

Post Views: 481

20 ՄԱՐՏ 2020 – ԱՆԴՐԱԴԱՐՁ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

ARMENIAN GENOCIDE – This picture shows part of the 5.000 children from Kharput en route on donkey back and foot. “Story of Near East Relief” by James L. Barton, New York, 1930, p. 152

Իրաքի մէջ տեղակայուած ամերիկեան ուժերը իրաքեան բանակին յանձնած են «Քայեմ» ռազմակայանը, որ օգտագործուած է Միջազգային դաշինքի ուժերուն կողմէ: Այս մասին կը հաղորդէ «Վզ» կայքը:

Աղբիւրին տուեալներով` Իրաքի զինուորական ստորաբաժանումները յանձնումէն քանի մը օր առաջ պաշտօնապէս սկսած են ռազմակայան մուտք գործել:

Երեքշաբթի օր Միացեալ Նահանգներու զինեալ ուժերու կեդրոնական հրամանատարութեան մամլոյ ծառայութիւնը յայտնած էր, որ Միջազգային դաշինքը պիտի լքէ «Քայեմ» ռազմակայանը:

Նշենք, որ ռազմակայանին մէջ տեղակայուած էին ամերիկեան, ֆրանսական եւ լեհական ուժեր: Ամերիկեան ուժերը ռազմակայանը սեպտեմբեր 2018¬ին հաստատած էին Անպարի արեւմուտքը գտնուող Քայեմ գաւառին մէջ ֆոսֆորի գործարանին մօտ, որուն գնացքի կայարանը կ՛օգտագործուէր իբրեւ ուղղաթիռներու էջքի վայր:

Ռազմակայանը ֆրանսական հրետանիին կողմէ նախապէս օգտագործուած է ռմբակոծելու համար սուրիական հողերուն մէջ գտնուող Պաղուզը: