ՊԱՏՐԻԿ ԴԵՎԵՋՅԱՆԻ ՃԱՌԸ «ՎԱՆ» ԳՈՐԾՈՂՈՒԹՅԱՆ ԴԱՏԱՎԱՐՈՒԹՅԱՆ ԺԱՄԱՆԱԿ, ՓԱՐԻԶ, ԱՐԴԱՐԱԴԱՏՈՒԹՅԱՆ ՊԱԼԱՏ, 1984 թ. 31-ը հունվարի (հատված)
31 ՄԱՐՏ 2020 – – ՀԱՅՈՑ ՑԵՂԱՍՊԱՆՈՒԹԻՒՆ – ՄԻՋԱԶԳԱՅԻՆ ԴԱՏԱՎԱՐՈՒԹԻՒՆ:
« …Հայերը այսքան համբերեցին, որովհետև կարծում էին, որ աշխարհում ինչ որ բան կփոխվի, արդարությունը կվերականգնվի:
Իրար հաջորդող ուրացումներից, ժխտումներից ու հուսախաբություններից հետո ի՞նչ էր մնում նրանց անելու:
Պարոն Նախագահ, թույլ տվեք Ձեր՝ չորս հայ երիտասարդներին՝ Վազգենին, Գևորգին, Արամին, Հակոբին ուղղած՝«Ինչո՞ւ զենքի դիմեցիք» հարցը հայցվորներին ուղղել. «Ինչո՞ւ եք այսքան տարի անց էլ ուրանում ոճրագործությունը»:
Ոճրագործությունը շարունակվում է, որովհետև հայ ժողովրդի դահիճը Թուրքիայում մեծարվում է որպես ազգային հերոս, նրա դամբարանն են կառուցում, նրա անունով մայրուղիներ են անվանակոչում:
Դուք իրավացի՛ եք, պարոն Նախագահ, չորս հայ երիտասարդներին չի կարելի «ահաբեկիչ» կոչել, որովհետև, ինչպես քիչ առաջ իր ելույթում նշեց Միսաք Մանուշյանի այրին, նրանք հանդիսանում են Ֆրանսիայի ազգային հերոսի գործի շարունակողները:
Ու նրանք հաղթելու են»:
(Հատված Գրիգոր Ջանիկյանի «Հայերի դատը Փարիզում» վավերագրքից)
