Թուրքիան հայտարարել է, որ չի ճանաչում Արցախի նախագահական ընտրությունները
30 Մարտ 2020 – ՂԱՐԱԲԱՂ:
Հարկադրումներ կը հրապարակէք,,,, Իմացիր, մեզ համար արժէք չի ներկայացներ, հակառակ արդիւնք տալով դուք ձեզ կը պախարակէք, շնորհակալութիւն: «Լուսաւոր Աւետիս»
Թուրքիայի արտաքին գործերի նախարարությունը հայտարարությամբ է հանդես եկել Արցախի Հանրապետությունում մարտի 31-ին կայանալիք նախագահական և խորհրդարանական ընտրությունների մասին։
Այդ հայտարարության մեջ մասնավորապես նշված է.
«Հայաստանի կողմից բռնազավթված Ադրբեջանի Լեռնային Ղարաբաղի շրջանում 2020թ․ մարտի 31-ին կայանալիք այսպես կոչված նախագահական և խորհրդարանական ընտրությունները դրսևորումն են այն ջանքերի, որոնցով փորձ է արվում միակողմանիորեն լեգիտիմացնել գոյություն ունեցող իրավիճակը, որը հակասում է միջազգային իրավունքին։ Այս քայլը միջազգային իրավունքի՝ ներառյալ ՄԱԿ-ի ԱԽ որոշումների և ԵԱՀԿ-ի սկզբունքների ակնհայտ խախտում է»։
Նշվում է, որ Թուրքիան այդ ընտրությունները չի ճանաչում և համարում է անօրինական և շեշտվում այն հավաստիացումը, որ Թուրքիան, որպես ԵԱՀԿ Մինսկի խմբի անդամ երկիր, շարունակելու է աջակցել ԼՂ հիմնախնդրին արդարացի գտնելու ջանքերին։
Ակնհայտ միակողմանի և ապակառուցողական մոտեցում որդեգրած Թուրքիան կոչ է անում ԵԱՀԿ Մինսկի խմբին չճանաչել Արցախում կայանալիք ընտրությունները։ Մինչդեռ Արցախը բազմիցս է ապացուցել, որ ունակ է ժողովրդավարական բոլոր չափանիշներին համապատասխան ազատ ընտրություններ կազմակերպել, ինչը դժվար իրականանալի է հենց նույն Թուրքիայում։
Աղբյուր` Ermenihaber.am
ermenihaber.am/am/news/2020/03/30/Թուրքիա-Ղարաբաղ/179674
