Թուրքիոյ Մէջ Քանատայի Դեսպանատունը Դատապարտած Է Արցախի Ընտրութիւնները. Քանատայի Հայ Դատի Յանձնախումբը Պատասխանած Է

April 3, 2020 Lousavor Avedis Աշխարհ, Հայաստան, Սփիւռք 0

GENOCIDE- 1 Ապրիլ 1909 - Ատանայի կոտորածը-Ադանայի հայկական թաղամասի ավերակներ-1 — Genocide perpetrated by the Ottoman Empire, now Turkey - April 1, 1909 - The Adana Massacre - The Ruins of the Adana Armenian District – photo no- 01

Post Views: 389

Թուրքիոյ Մէջ Քանատայի Դեսպանատունը Դատապարտած Է Արցախի Ընտրութիւնները. Քանատայի Հայ Դատի Յանձնախումբը Պատասխանած Է

03 ԱՊՐԻԼ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Թուրքիոյ մէջ Քանատայի դեսպանատունը 1 ապրիլին հրապարակած է յայտարարութիւն մը` անդրադառնալով 31 մարտին Արցախի Հանրապետութեան մէջ նախագահական եւ խորհրդարանական ընտրութիւններու կայացման:

Դեսպանատան թուիթըրեան պաշտօնական էջին վրայ հրապարակուած յայտարարութեան մէջ կը նշուի.

«Քանատան կ’աջակցի ազրպէյճանական տարածքային ամբողջականութեան եւ չի ճանչնար այսպէս կոչուած «ընտրութիւնները», որոնք կատարուած են Լեռնային Ղարաբաղի մէջ 31 մարտին: Այդպիսի «ընտրութիւնները» կը խարխլեն ԵԱՀԿ-ի Մինսքի խմբակին կողմէ գործադրուող ջանքերը` Լեռնային Ղարաբաղի տագնապին խաղաղ լուծման հասնելու համար»:

Քանատայի Հայ դատի յանձնախումբը հրապարակած է պատասխան յայտարարութիւն մը, որուն մէջ կը նշուի.

«Քանատայի Հայ դատի յանձնախումբն ու Քանատայի հայ համայնքը խիստ վրդոված են Թուրքիոյ մէջ Քանատայի դեսպանատան կողմէ կատարուած կողմնակալ յայտարարութենէն` Արցախի մէջ տեղի ունեցող ազատ եւ արդար ընտրութիւններուն վերաբերեալ:

«Մենք խստօրէն կը մերժենք զայն եւ դեսպանատունը կը յորդորենք անյապաղ չեղեալ նկատել այդ յայտարարութիւնը»: