Մատրիտ. «Թուրքիան Չինաստանէն Սպանիա Ուղղուող` Շնչառութեան Սարքերով Բեռնաւորուած Օդանաւ Մը Գրաւեց»
06 ԱՊՐԻԼ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – ՊՍԱԿԱՁԵՒ ԺԱՀՐ – ՊՍԱԿԱՁԵՒ ՎԱՐԱԿ – ՔՈՐՈՆԱ ԺԱՀՐ – ՔՈՎԻՏ-19:
Սպանիոյ արտաքին գործոց նախարարութիւնը յայտարարեց, որ թրքական իշխանութիւնները գրաւած են շնչառութեան սարքերով բեռնաւորուած օդանաւ մը, որ Չինաստանէն Սպանիա կ’ուղղուէր:
«Թրքական կառավարութիւնը արգելքներ հաստատեց իր հողերուն վրայ բժշկական սարքերու արտածումներուն վրայ` մեկնելով գլխաւորաբար իրենց առողջապահական համակարգը պահպանելու մտահոգութենէն», նշեց նախարարութիւնը:
Այս բեռը յարգի կը նկատուի, որովհետեւ «Քորոնա» ժահրի դարմանման համար անհրաժեշտ շնչառութեան 162 սարքեր կը պարունակէր:
Թրքական մաքսատունը անցեալ շաբաթ օր գրաւեց բեռը` Չինաստանէն եկող օդանաւը կանգնեցնելէ ետք: Թուրքիան այսպիսով գրաւեց շնչառութեան սարքերը, որոնց անմիջական կարիքը ունի Սպանիան` «Քորոնա» ժահրին պատճառով արձանագրուող մեծ թիւով մահերուն առաջքը առնելու համար:
www.aztagdaily.com/archives/470221
