«Քորոնա» Ժահրի Պատասխանատուութիւնը Չինաստանին Վրայ Բարդելու Փորձերը Անթոյլատրելի Են» Կ՛ըսէ Լաւրով
15 ԱՊՐԻԼ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
«Մարաղա. հայերի ջարդ 1992-ի ապրիլի 10-ին –»
«Քորոնա» ժահրի տարածման համար Չինաստանի վրայ նիւթական պատասխանատուութիւն բարդելու փորձերը անթոյլատրելի եւ անպարկեշտ են: «Ինթըրֆաքս» կը հաղորդէ, որ այս մասին յայտարարած է Ռուսիոյ արտաքին գործոց նախարար Սերկէյ Լաւրով:
«Երբ մենք կը լսենք դատողութիւնները այն մասին, որ Չինաստանը պէտք է բոլորին վճարէ վարակի տարածման եւ իբրեւ թէ վարակի մասին ժամանակին չտեղեկացնելու համար…գիտէք, ասիկա կ’անցնի բոլոր տեսակի սահմանները», ըսած է Լաւրով ռուս եւ օտար լրագրողներու հետ հարցազրոյցի ընթացքին:
Նախարարը նշած է, որ Չինաստանը, որ յաղթահարած է համաճարակի գագաթնակէտը, ամէն ձեւով կը փորձէ փոխանցել «Քորոնա» ժահրին դէմ պայքարի իր փորձառութիւնը: Մինչդեռ որոշ երկիրներու մէջ կոչ կ’ուղղեն փոխհատուցումը չվճարելու պարագային արտասահմանի մէջ չինական գոյքը գրաւելու:
«Մազերս կը կանգնին, երբ նման բաներ կը լսեմ: Ես կը կարծեմ, որ ատիկա բացարձակապէս անընդունելի է», ըսած է Լաւրով:
Ան նաեւ «տխուր իրականութիւն» կոչած է Իտալիոյ ուղղուած ռուսական օժանդակութիւնը նսեմացնելու եւ զայն իբրեւ «դէպի ՕԹԱՆ եւ Եւրոպական Միութիւն գրեթէ զինուորական ներխուժում» կոչելու փորձերը:
www.aztagdaily.com/archives/470848
