ՀԱԿՈԲ ԲԱԴԱԼՅԱՆ – Հայաստանից ակնարկ ու հիշեցում Մոսկվային – Հայաստանից ակնարկ ու հիշեցում Մոսկվային

Հայկական Զինուժ — 24 ԱՊՐԻԼ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ – APRIL 24, 2020 - ARMENIAN GENOCIDE – I REMEMBER AND DEMAND

Post Views: 324

24.04.2020 | Մեկնաբանություն | ՀԱԿՈԲ ԲԱԴԱԼՅԱՆ, Մեկնաբան:

ARMENIAN GENOCIDE – DENIAL IS THE LAST ACT OF A GENOCIDE

24 ԱՊՐԻԼ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ

Վարչապետն Արցախի հարցի առնչությամբ նախկինում արած հայտարարություններին որեւէ բան ավելացնելու եւ սրբագրելու անհրաժեշտություն չի տեսնում, Ազատություն ռադիոկայանի հարցմանն ի պատասխան հայտնել է վարչապետի աշխատակազմը:

Խոսքը ՌԴ արտգործնախարար Սերգեյ Լավրովի աղմուկ հանած հայտարարությունների մասին է: Վարչապետի աշխատակազմը նշել է, որ Հայաստանի արտգործնախարարությունն այդ կապակցությամբ տվել է բոլոր անհրաժեշտ պարզաբանումները:

Ինչպես հայտնի է, ի պատասխան Լավրովի խոսքերի, որ կարգավորման գործընթացում քննարկվում է փուլային տարբերակ, Հայաստանի արտգործնախարարությունը նշել է, որ Երեւանը չի քննարկում որեւէ փաստաթուղթ, Երեւանի համար առաջնային է կարգավիճակի հարցը, իսկ տարածքները Արցախի անվտանգությունն են, պաշտպանական գիծ, որը չի կարող լինել զիջման ենթակա:

Այդ մասին հայտարարել է արտգործնախարար Զոհրաբ Մնացականյանը, այդ մասին հայտարարել է նաեւ ԱԳՆ խոսնակը Կոմերսանտ պարբերականի հարցին ի պատասխան:

Վարչապետի աշխատակազմը փաստացի ակնարկում է նաեւ, որ Երեւանը կարիք չունի ՌԴ արտգործնախարարի մակարդակով արված հայտարարությանը արձագանքել դրանից ավելի բարձր մակարդակով:

Միաժամանակ, Արցախի հարցում Նիկոլ Փաշինյանի նախկինում արած հայտարարությունների շարքում առանցքայինը թերեւս այն է, ինչ նա ասել էր, ի դեպ, 2018 թվականին Լավրովի արած մեկ այլ աղմկոտ հայտարարությունից հետո:

Լավրովը 2018-ի հուլիսի վերջին դժգոհություն էր հայտնել նախկին նախագահ Ռոբերտ Քոչարյանի հանդեպ քրեական գործի եւ կալանքի կապակցությամբ: Դրանից օրեր անց Նիկոլ Փաշինյանն իր մեծ ասուլիսում հայտարարել էր, որ Հայաստանի ռազմավարական գործընկեր Ռուսաստանի Դաշնությունն ունի Ադրբեջանի ագրեսիան կանխարգելելու բոլոր հնարավորությունները, եւ եթե ադրբեջանական ագրեսիան չի կանխարգելվում եւ լինում է պատերազմ Հայաստանի կամ Արցախի դեմ, ուրեմն այդպես է ուզել Ռուսաստանը:

Պատերազմի քաղաքական պատասխանատվության հարցը ՌԴ առաջ դնելն ու ռազմավարական դաշնակցության առանցքային պայմանը հիշեցնելը կարեւոր է պատերազմից հետո պոստֆակտում հիշեցնելու անհրաժեշտության առաջ չկանգնելու համար, ինչպես եղավ ապրիլյան քառօրյայի պարագայում:

Միաժամանակ, այդ պատասխանատվության շեշտադրումը ամբողջացնում է մնացյալ քաղաքական նշաձողերը, որ կարգավիճակի, Արցախի լիիրավ մասնակցության եւ անվտանգության պաշտպանական բնագծի առումով սահմանել է Երեւանը:

Mush-GENOCIDE – Photo source: “Leslie’s Illustrated”, June 28, 1917

24 ԱՊՐԻԼ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ