Դամասկոսի Մերձակայքին Դէմ Իսրայէլեան Յարձակում
28 ԱՊՐԻԼ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ:
Սուրիական պետական ՍԱՆԱ լրատու գործակալութիւնը հաղորդեց, որ սուրիական օդային պաշտպանութեան համակարգերը դէմ դրած են մայրաքաղաք Դամասկոսի մերձակայքին մէջ «թշնամական թիրախներու»:
ՍԱՆԱ աւելցուց, որ պաշտպանութեան համակարգերը դէմ դրած են լիբանանեան օդային տարածքէն կատարուած իսրայէլեան յարձակումին եւ վնասազերծած շարք մը հրթիռներ, նախքան անոնց իրենց թիրախներուն հասնիլը:
Սուրիական լրատուամիջոցներ հաղորդեցին, որ իսրայէլեան յարձակումին պատճառով երեք քաղաքայիններ զոհուած են եւ վիրաւորուած են չորս ուրիշներ, որոնց շարքին` երեխայ մը:
Մարդկային իրաւանց սուրիական դիտարանին համաձայն, իսրայէլեան յարձակումին թիրախը իրանեան եւ Հըզպալլայի` Դամասկոսի հարաւ- արեւմուտքը գտնուող կեդրոններ էին:
«LA CAUSE ARMÉNIENNE EST UNE CAUSE DE JUSTICE» CATHOLICOS ARAM I –
www.aztagdaily.com/archives/471709
