17 դեկտեմբեր 2015
Ամերիկայի Միացեալ Նահանգներու Քոնգրէսի Ներկայացուցիչներու պալատի արտաքին յարաբերութիւններու յանձնաժողովը Յունուարին պիտի կազմակերպէ Լեռնային Ղարաբաղի խնդրի կարգաւորման նուիրուած դռնփակ քննարկում, որուն հրաւիրուած է նաեւ ԵԱՀԿ-ի Մինսկի Խումբի ԱՄՆ-ի համանախագահ Ճէյմս Ուորլիք: Այս մասին NEWS.am-ի թղթակցին ըսած է Ամերիկայի Հայ Դատի յանձնախումբի ներկայացուցիչ Եղիսաբէթ Չուլճեան:
«Մենք կը ցանկանայինք, որ բաց լսում ըլլար, բայց այս մասին դեռ չէ յայտարարած յանձնաժողովին նախագահը»,- ըսած է Չուլճեան:
Նշենք, որ ԱՄՆ Ներկայացուցիչներու պալատի արտաքին յարաբերութիւններու յանձնաժողովի նախագահ Էդ Ռոյսը եւ անդամ Էլիոթ Էնկըլ դեռ շաբաթներ առաջ նամակով կոչ ըրած էին ԵԱՀԿ Մինսկի խումբի ամերիկացի համանախագահ Ճէյմս Ուորլիքին` Ղարաբաղի հակամարտութեան կարգաւորման հարցով ցուցաբերած կեղծ հաւասարութեան ձախողուած քաղաքականութիւնը փոխելու կառուցողական, հաշուետուողականութեան վրայ հիմնուած մօտեցմամբ:
ԵՌԱԳՈՅՆ
http://www.yerakouyn.com
