ՆԱԶԱՐԷԹ ՊԷՐՊԷՐԵԱՆ – ԲԱՐԻ ԼՈՅՍ – ՄԵՐ ՈՒՂԻՆ – Քո երակներում խշշացող տղերքը, որ անպայմանական՝ քեզ սիրում էին ճիշդ ու իսկական, մի օր վեր կացան այգուց, փողոցից ու սրճարանից եւ զէնքեր առած՝
Nazareth Berberian – ««ՆԱԽՈՐԴ ԲԱՐԻ ԼՈՅՍԸ»»
ՄԵՐ ՈՒՂԻՆ
ԲԱՐԻ ԼՈՅՍ
«Քո երակներում խշշացող տղերքը, որ անպայմանական՝ քեզ սիրում էին ճիշդ ու իսկական, մի օր վեր կացան այգուց, փողոցից ու սրճարանից եւ զէնքեր առած՝ քայլեցին ուղիղ պատերազմի դաշտ, բայց նրանք չկան քո պղինձ ու քար ոչ մի արձանում…»
9 Մայիս 2020
Բարի լոյս՝ հրավառութիւններէն անդին, ԱԶԳՈՎԻՆ մեր ՊԱՐՏՔը կատարելու ՊԱՏԱՍԽԱՆԱՏՈՒՈՒԹԵԱՆ ՈԳԻԻՆ, որուն յուշարարն է միաժամանակ ՇՈՒՇԻԻ ԱԶԱՏԱԳՐՈՒԹԵԱՆ ՏՕՆը։
Բարի լոյս՝ գաղափարի այն բոլոր ջահակիրներուն, որոնք իրենց տեսադաշտին մէջ, այլեւ կիզակէտին միշտ ԱՐԹՈՒՆ կը պահեն նոյնինքն ԺՈՂՈՎՈՒՐԴը, որ ԳՐԱՒԱԿԱՆՆ Է բարիքներու ստեղծումին եւ արժէքներու պահպանումին։
Ինչպէս որ բանաստեղծ Յուսիկ Արայի քերթուածէն մէջբերուած եւ խորագրի վերածուած մտածումը կը յուշէ, Շուշիի ազատագրութեան եւ ընդհանրապէս Արցախեան Ազատամարտին փառքը հիւսելու արդարացի մեր հպարտութեան պահերուն, ամէն բանէ անդին պէտք է սեւեռիլ մեր յաղթանակները կերտող ՄԱՐՏՈՒՆԱԿ մեր ժողովուրդի ՀԵՐՈՍԱՏԻՊ ԾՆՈՒՆԴՆԵՐՈՒՆ, որոնք իրենց զոհաբերած արիւնով շաղախեցին ՍՐԲՈՒԹԻՒՆը հայրենի ՀՈՂԻՆ։
Բարի լոյս՝ Ազգի եւ Հայրենիքի ամբողջական ազատագրութեան համար պայքարի բոլոր ճակատներուն վրայ ԱՆՍԱԿԱՐԿ ԶՈՀՈՒՈՂՆԵՐՈՒՆ, որոնց ԿՏԱԿին ՏԷՐ ՈՒ ՊԱՀԱՊԱՆ կանգնելու ՅԱՆՁՆԱՌՈՒԹԵԱՄԲ կը չափուի մեր սերունդներուն ԱՐԺԱՆԱՒՈՐՈՒԹԻՒՆը։
Շուշիի ազատագրութեան եւ Արցախի անկախութեան իր գերագոյնը՝ արիագոյն զաւակները զոհաբերած մեր ժողովուրդին առնուազն ՄԱՔՈՒՐ ՁԵՌՔԵՐՈՎ ԿԱՌԱՎԱՐՈՒՄ ՊԱՐՏՔ ԵՆ բոլոր անոնք, որոնք համավարակի պայմաններուն մէջ իշխանութեան համար մրցապայքարը աւելի վեր դասեցին Արցախի հայութեան առողջապահութենէն։
Բարի լոյս՝ ԱՐՑԱԽԵԱՆ յաղթանակին ՓԱՌՔը պանծացնող «քար ու պղինձ յուշակոթողներէն եւ արձաններէն» անդին, ՅԱՂԹԱՆԱԿԱԾ ԺՈՂՈՎՈՒՐԴին թափած ԱՐԵԱՄԲ ու ՔՐՏԻՆՔՈՎ վերանորոգ հայութեան եւ վերածնեալ Հայաստանի ԳԱՂԱՓԱՐԱՊԱՇՏ շաղախը ԱՆԲԱՍԻՐ պահող ՀԱՅՈՑ ԱԶԱՏԱՄԱՐՏԻԿՆԵՐՈՒՆ։
ՆԱԶԱՐԷԹ ՊԷՐՊԷՐԵԱՆ – ԲԱՐԻ ԼՈՅՍ
