ՀՀ կառավարությունն իր ուշադրության կենտրոնում է պահում բեռնատար ավիացիա ունենալու հարցը. Նիկոլ Փաշինյան
11.05.2020 | Ներքին կյանք | Lragir.am: – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ:
ՀՀ կառավարությունն իր ուշադրության կենտրոնում է պահում երկրում բեռնատար ավիացիա ունենալու, դրա շահավետ ու մրցունակ լինելու հարցը։
Այս մասին «Ֆեյսբուք»-ի իր էջում գրել է ՀՀ վարչապետ Նիկոլ Փաշինյանը։
«Արտահանման այս տարբերակը գտնվում է կառավարության հետաքրքրության ներքո։ Որքանո՞վ է տնտեսապես շահավետ և մրցունակ բեռնատար ավիացիա ունենալը։ Այս հարցը գտնվում է ուսումնասիրության փուլում»,- գրել է Փաշինյանը։
Գյուղմթերքը՝ միրգ, բանջարեղեն, կանաչիներ, ծաղիկներ, նախկինում արտահանվել է մարդատար ինքնաթիռով, սակայն մարտի 19-ից թռիչքները դադարեցվել են։ Ապրիլի 24-ին առաջին անգամ Հայաստանից իրականացվել է 23 տ գյուղմթերքի արտահանում՝ բեռնատար ինքնաթիռով, որը վարձակալել էր արտահանող մի ընկերություն։
Արդեն 2 անգամ իրականացվել է հատուկ թռիչք և թերմոարկղերով Հայաստանից դեպի Մոսկվա է արտահանվել նաև 800 կգ օրգանական մշակում անցած ծնեբեկ։
Ելնելով սեզոնայնությունից, երբ շուկայում գյուղմթերքի գինը պարբերաբար փոփոխության է ենթարկվում, բեռնատար ինքնաթիռներով տեղափոխելը ֆերմերների համար եկամտաբերություն է ապահովում։
Մի քանի օրից ևս մեկ ինքնաթիռ հայկական բերքն ու բարիքը ռուսական շուկա կարտահանի։
www.lragir.am/2020/05/11/545282/
